राज आणि उद्धव यांच्या भेटीमागची साईडस्टोरी

मनसे प्रमुख राज ठाकरे यांनी त्यांचे सहकारी बाळा नांदगावकर यांच्या फोनवरून खासदार संजय राऊत यांना फोन लावला. संजय राऊतांना आपण मातोश्रीवर भेट घेण्यासाठी येत असल्याचं सांगितलं. राज यांचा हा निरोप संजय राऊतांनी उद्धव ठाकरेंना कळवला. त्यानंतर काही मिनिटांमध्ये राज ठाकरे हे शिवतीर्थाहून मातोश्रीवर पोहोचले. मातोश्रीवर दोघांमध्ये काही मिनिटे त्यांच्याच गप्पाही झाल्या. उद्धव ठाकरे यांना शुभेच्छा दिल्यावर राज ठाकरेंनी स्व. बाळासाहेब ठाकरे यांच्या खुर्चीचे दर्शन घेतले. बाळासाहेबांच्या फोटोसमोर गळ्यात पडले.
मोठी बातमी: उद्धव ठाकरेंना वाढदिवसाच्या शुभेच्छा देण्यासाठी राज ठाकरे ‘मातोश्री’वर; सर्वांच्याच भुवया उंचावल्या
दोन्ही नेत्यांमध्ये वेगवेगळ्या विषयांवर चर्चा झाल्याची माहिती त्यावेळी उपस्थित असलेल्या नेत्यांनी दिली. ठाकरे गटाकडून विरोधी पक्षनेते अंबादास दानवे, खासदार संजय राऊत तर मनसेकडून बाळा नांदगावकर, नितीन सरदेसाई हे त्यावेळी उपस्थित राहिल्याचं पाहायला मिळालं. ५ जुलैला दोन्ही ठाकरे बंधू हे एकत्र आले होते. त्यावेळी मराठी भाषेसाठी दोघांनी एकत्र येण्याचं ठरवलं होतं. त्यामुळे दोन्ही पक्षातील कार्यकर्त्यांच्या मनातील इच्छा आता पूर्ण होते का हे पाहणं महत्त्वाचं ठरणार आहे.
Sanjay Raut : मंत्रिमंडळातून 4 मंत्री जाणार, नावांसह कारणंही सांगितली; CMच्या दिल्लीवारीचा हेतू काय? राऊतांनी सगळंच सांगितलं
दरम्यान, राज आणि उद्धव यांनी एकत्र यावी अशी महाराष्ट्रातील अनेकांची इच्छा आहे. गेले अनेक वर्षे एकमेकांपासून दूर गेलेले ठाकरे बंधू आता एकत्र येताना दिसत आहेत. मराठी भाषेच्या मुद्द्यावरून दोघांमधील मतभेद विसरत एकत्र येत त्यांनी आपली ताकद दाखवून दिली होती. त्यामुळे आगामी निवडणुकांमध्ये राज आणि उद्धव एकत्र आले तर इतर पक्षांना याचा नक्कीच फटका बसल्याशिवाय राहणार नाही.