खेळता खेळता खड्ड्यात जाऊन पडले

उत्कर्ष लोकेश लांजेवार (वय वर्ष 8) आणि रेहान संजय सहारे (वय वर्ष 8, दोन्ही राहणारे पाचगाव) अशी मृतकांची नावं आहेत. या प्रकरणी अधिक प्राप्त माहितीनुसार, शनिवारी (26 जुलै) दुपारी 2 वाजताच्या सुमारास हे आठ वर्षांचे दोन चिमुरडे, घरापासून 150 मीटर अंतरावर खेळायला गेले. खेळता खेळता दोघेही मुरूम काढण्यासाठी खोदण्यात आलेल्या खड्ड्यातील पाण्यात पडले.
UP Crime: एका गोष्टीने नाराज अन् लेकाने अख्खं कुटुंब संपवलं; आई-वडील आणि बहिणीच्या हत्या करुन पळाला

खड्ड्याजवळ दोघांच्या चपला दिसल्या अन् सारेच हादरले

पाण्यात पडल्याने या खड्ड्यात बुडून या दोघांचा मृत्यू झाला. दरम्यान, सायंकाळ झाल्यानंतरही दोघे घरी परतले नाही. त्यामुळे पालक आणि नातेवाइकांनी दोघांचाही शोध सुरू केला. तेव्हा मुरूम काढण्यासाठी खोदण्यात आलेल्या खड्ड्याजवळ या दोघांच्याही चपला नातेवाइकांना दिसल्या. पोहणारे पाण्यात उतरले असता दोघांचेही मृतदेह एकमेकांच्या अंगावर आढळून आले. या दोघांचे मृतदेह बाहेर काढण्यात आले. दरम्यान, एका नागरिकाने रामटेक पोलिसांना याबाबतची माहिती दिली. माहिती मिळताच पोलिसांचा ताफा तात्काल घटनास्थळी पोहोचला. पोलिसांनी पंचनामा करून दोघांचेही मृतदेह उत्तरीय तपासणीसाठी हॉस्पिटलकडे रवाना केले. रविवारी (27 जुलै) दुपारी दोघांच्याही पार्थिवावर अत्यंत शोकाकुल वातावरणात अत्यंस्कार करण्यात आले.

एकुलत्या मुलांच्या मृत्यूने कुटुंबावर दु:खाचा डोंगर, अख्खा परिसर सुन्न

हे दोघेही एकुलते एक मुलं होते. दोघेही नातेवाइक होते. लोकेश आणि रेहान दोघेही एकलकुते एक मुलं होते. उत्कर्ष आणि रेहानच्या मृत्यूने लांजेवार व सहारे कुटुंबावर दु:खाचा डोंगर कोसळला आहे. नातेवाइक शोकमग्न असून गावात एकच शोककळा पसरली आहे.