Suni Bagul Mama Rajwade: आगामी महापालिका निवडणुकांच्या पार्श्वभूमीवर ‘जम्बो’ भरती करीत भाजपने पुन्हा एकदा महाविकास आघाडीला धक्का देण्याच्या तयारी सुरू केली आहे.
शिवसेना ठाकरे गटाचे माजी उपनेते सुधाकर बडगुजर यांच्या प्रवेशावरून भाजपमध्ये बराच संघर्ष झाला. त्यानंतरही महाजन यांनी भाजप पदाधिकाऱ्यांच्या नाराजीकडे दुर्लक्ष करीत, माजी स्थायी समिती सभापती गणेश गिते यांच्यासह ठाकरे गटातील माजी नगरसेवकांना भाजपमध्ये प्रवेश दिला. पाठोपाठ आता महाजन यांच्या ‘ट्रॅप’मध्ये सुनील बागूल आणि मामा राजवाडेही अडकले आहेत. 
कोकाटेंना डच्चू, धनंजय मुंडेंना पुन्हा मंत्रिपद मिळणार? अजितदादाचं मोठं वक्तव्य
पंधरा दिवसांपूर्वी गणेश गिते, कमलेश बोडके यांच्यासोबत बागूल, राजवाडे यांचा प्रवेश होणार होता. भद्रकाली पोलिस ठाण्यात दाखल एका गुन्ह्याच्या प्रकरणात बागूल, राजवाडे हे फरार असल्याचे पोलिसांच्या लेखी असल्याने खासदार संजय राऊत यांच्या टीकेनंतर त्यांचे प्रवेश भाजपने लांबणीवर टाकले होते. अखेर गुन्हे मागे घेतल्यानंतर त्यांचे प्रवेश होणार आहे.
Mumbai Mantralaya: मंत्रालयात आता ऑफलाइन प्रवेश बंद; डिजिप्रवेश १ ऑगस्टपासून अनिवार्य
काँग्रेसने फेटाळला दावा
बागूल आणि राजवाडे यांच्या प्रवेशावेळी काही काँग्रेसचे पदाधिकारीही प्रवेश करणार असल्याचा दावा बागूल यांच्यासह भाजप पदाधिकाऱ्यांकडून केला जात आहे. काँग्रेससोबतच विधानसभा निवडणुकीत भाजप सोडून गेलेले काही पदाधिकारीदेखील प्रवेश करणार असल्याचा दावा बागूल यांनी केला. बागूल यांच्यापाठोपाठ शाहू खैरे, राहुल दिवे, संजय चव्हाण, अॅड. यतीन वाघही भाजपच्या वाटेवर असल्याची चर्चा असली तरी चौघांनीही ही अफवा असल्याचे स्पष्ट केले आहे. काँग्रेसचा एकही पदाधिकारी भाजपमध्ये प्रवेश करणार नाही, असा दावा अॅड. छाजेड यांनी केला.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा