श्री कपालेश्वर देवस्थानचे धार्मिक व पौराणिक महत्त्व मोठे आहे. नंदीशिवाय असणारे हे महादेवाचे एकमेव मंदिर मानले जाते. त्यामुळे येथे येणाऱ्या भाविकांची संख्या मोठी आहे. श्रावणात गर्दीत भर पडत असल्याने प्रशासनावर नियोजनाचा मोठा तणाव निर्माण होतो. यामुळे हा निर्णय घेण्यात येत असल्याचे पत्र श्री कपालेश्वर देवस्थानचे प्रशासक वि. भा. पाटील यांनी जिल्हाधिकाऱ्यांना दिले. तर, त्र्यंबकेश्वर विश्वस्त मंडळाच्या वतीनेही याच धर्तीवर निर्णय घेत प्रशासनाला माहिती कळविली आहे.
नाशकात विवाहितेचं टोकाचं पाऊल; दोन लेकरांना मिठीत घेऊन विहिरीत मारली उडी, काय कारण?
प्रशासनाकडून गर्दीचे नियोजन
नाशिक : २८ जुलै रोजी पहिलाच श्रावणी सोमवार असल्याने मंदिर प्रशासनासह जिल्हा प्रशासन आणि पोलिस दलाच्या वतीनेही गर्दीचे नियोजन करण्यात येत आहे. मालेगाव स्टॅण्ड, पंचवटी कारंजा, सरदार चौक, रामसेतू पूल परिसरात पोलिस बंदोबस्तासह आवश्यक तेथे बॅरिकेडिंग केले जाईल. त्र्यंबकमध्येही प्रशासनाने तयारी केली आहे. मंदिर व्यवस्थापन, पोलिसांसह स्थानिक प्रशासनाने वाहतूक व्यवस्था, आरोग्य सुविधा, पिण्याचे पाणी, सीसीटीव्ही आदी नियोजन केले आहे.
प्रहारच्या पदाधिकाऱ्याचा आत्मदहनाचा प्रयत्न; कामगार उपायुक्त कार्यालयासमोरच अंगावर ओतलं पेट्रोल, नाशिकमधील घटना
श्रावणी सोमवारसाठी ३३ जादा बस
नाशिक : त्र्यंबक येथील ब्रह्मगिरी पर्वताला श्रावणी सोमवारी फेरी मारण्यासाठी गर्दी लक्षात घेता राज्य मार्ग परिवहन महामंडळाकडून २८ जुलै, ४ ऑगस्ट आणि १८ ऑगस्ट या सोमवारी ३३ जादा बस सोडण्याचा निर्णय घेण्यात आला आहे. या बस नवीन बस स्टँडवरून त्र्यंबकेश्वर मार्गावर धावतील. नाशिक -त्र्यंबक मार्गावर दररोज १६० फेऱ्या होतात. त्याव्यतिरिक्त या ३३ बस धावतील. यापैकी २५ बस नाशिकमधून, ५ बस इगतपुरीतून तर ३ जादा बस पेठ येथून सोडण्यात येणार आहेत. तिसऱ्या श्रावणी सोमवारी ११ ऑगस्टला स्वतंत्र नियोजन करण्यात आले आहे.