Couple Brutally Beaten : छत्रपती संभाजीनगरमध्ये संदीप लंके आणि त्याच्या साथीदारांनी एका महिलेसह तिच्या पतीला घरात घुसून मारहाण केली. ‘माझा भाऊ पीआय आहे’ असे धमकावत साडी ओढून विनयभंग केल्याचा आरोप आहे. या प्रकरणी ॲट्रॉसिटी कायद्यानुसार गुन्हा दाखल करण्यात आला असून पोलिस तपास करत आहेत.
मारहाण करणाऱ्यांमध्ये संदीप लंके, महिला आणि अज्ञात दोन व्यक्तींचा समावेश आहे. या प्रकरणात संदीप श्रीधर शिंदे (वय ४५, रा. सर्वेश्वर कॉलनी, सातारा परीसर) यांनी दिलेल्या तक्रारीनुसार, संदीप शिंदे हे त्यांची पत्नी आणि दोन मुलीसोबत राहतात. मोठी मुलगी ही खासगी क्लासमध्ये आहे. खासगी क्लासमध्ये शिंदे यांच्या मुलीचे संदीप लंके यांच्या मुलीसोबत वाद झाले. या वादातून संदीप लंके हे शिंदे यांच्या दुकानावर आले आणि त्यांनी ‘तुझी मुलगी कुठे आहे? तिला मला मारायचे आहे,’ असे सांगून वाद घातला.
Chhatrapati Sambhajinagar : प्लॉट पाहण्यासाठी चाललेल्या विवाहितेच्या पाठीमागे धावत गेला, अन्… छ. संभाजीनगरमध्ये खळबळसंदीप लंके याने माझा भाऊ पीआय आहे. त्यांच्याशी बोलून घ्या,’ असेही सांगितले. त्या वेळी संदीप शिंदे यांच्या वडिलांनी लंके यांच्या भावाशी बोलणे केले. यानंतर लंके निघून गेले. दुसऱ्या दिवशी २२ जुलै रोजी सकाळी साडेनऊच्या दरम्यान संदीप शिंदे यांच्या घरात संदीप लंके, त्यांची पत्नी आणि अन्य दोन जण घुसले. ‘तुझी मुलगी कुठे आहे? मला तिला मारायचे आहे,’ असे सांगितले.
त्यानंतर लंके आणि त्यांच्यासोबतच्या व्यक्तींनी संदीप शिंदे यांना लाकडी दांड्याने मारहाण सुरू केली. मारहाणीचा आवाज ऐकून शिंदे यांची पत्नी बाहेर आली असता तिचे केस ओढून, तिची साडी ओढून तिलाही मारहाण केली. शिंदेसह त्यांच्या पत्नीलाही चौघांनी बेदम मारहाण करण्यास सुरुवात केली. या मारहाणीत दोघेही जखमी झाले. शिंदे यांच्या पत्नीसोबत गैरकृत्य करण्याचा प्रयत्न करण्यात आल्याची माहिती तक्रारीत देण्यात आली आहे.
कॉलेज तरुणींमध्ये तुफान राडा; फ्रीस्टाइल हाणामारी अन् एकमेकींना कटरने मारहाण, घटनेनं शहरात खळबळया प्रकरणी संदीप शिंदे यांच्या तक्रारीवरून मारहाण करणाऱ्या संदीप लंके, त्यांची पत्नी व अन्य दोन जणांच्या विरोधात सातारा पोलिस ठाण्यात ऑट्रॉसिटी कायद्यानुसार मारहाण करणाऱ्यांवर गुन्हा दाखल करण्यात आला आहे. या प्रकरणात सहायक पोलिस आयुक्त रणजित पाटील यांच्याकडे तपास देण्यात आला आहे.
संदीप लंके आणि त्याच्यासोबत एक महिला व दोन जण शिंदे यांच्या घरात घुसले. त्यांनी लाकडी दांड्याने व लोखंडी रॉडने मारहाण सुरू ठेवली. घरातील आरडाओरड ऐकून आसपासचे लोक जमा झाले. यातील काही जणांनी दरवाजा उघडण्याचा प्रयत्न केला. लंके यांनी दरवाजा उघडला. दरवाजा उघडताच, शिंदे यांची पत्नीने मारहाण करण्यापासून सुटका करून घेतली आणि धावत जाऊन शेजाऱ्यांच्या घरी आसरा घेतला.
शहरातील नामांकित शाळेत विद्यार्थ्याला बेदम मारहाण, व्हिडिओ व्हायरल. काय घडलं?
पोलिसांसोबतही उद्धटपणा
पोलिस नियंत्रण कक्षाला फोन गेल्यानंतर तत्काळ पोलिस अंमलदार विष्णू वाघ आणि त्यांच्यासोबत अन्य पोलिस कर्मचारी सर्वेश्वरनगरमध्ये शिंदे याच्या घराजवळ आले. पोलिसांनी मारहाण करणाऱ्या संदीप लंके याला ‘तुम्ही शिंदे बाई व त्यांचे पती संदीप शिंदे यांना मारहाण केली का?’ असे विचारले असता लंके याने ‘हो आम्हीच यांना मारहाण केली आहे. माझे नाव संदीप लंके आहे. काय करायचे ते करा. माझा भाऊ पीआय आहे,’ असे उद्धटपणे सांगितले.