बाळा बांगर यांच्या पत्नी मयुरी बांगर आणि वाल्मिक कराड यांची कथित ऑडिओ क्लिप व्हायरल झाली आहे. घरगुती वादाची ही कॉल रेकॉर्डिंग सध्या बीडमध्ये प्रचंड व्हायरल होत आहे. या कथिक ऑडिओ क्लिपमध्ये बाळा बांगर यांच्या पत्नीकडून बाळा बांगर यांच्यावर गंभीर आरोप करण्यात आले आहेत. बाळा बांगर यांनी मारहाण करत चारित्र्यावर संशय घेतला असा आरोप मयुरी बांगर कथित ऑडिओ क्लिपमध्ये करत आहे. या ऑडिओ क्लिपवर बाळा बांगर यांनी प्रतिक्रिया दिली आहे. महादेव मुंडे हत्या प्रकरणात आपण भूमिका घेतल्याने हा बदनामीचा डाव आहे, अशी प्रतिक्रिया बाळा बांगर यांनी दिली आहे. दरम्यान, संबंधित ऑडिओ क्लिपची महाराष्ट्र टाइम्स ऑनलाईन पुष्टी करत नाही.

कथिक ऑडिओ क्लिपमध्ये काय?

मयुरी बांगर : अण्णा, ते पोस्ट डिलीट करायचं काही नाही. मला असं करण्यामध्ये खरंतर इंटरेस्ट नाहीय. पण ते माझ्यावर खूप घाणेरडे आरोप लावतात. तुम्हाला मागचं काही माहिती आहे का ते मला माहीत नाही. मी सांगू का तुम्हाला थोडसं?

वाल्मिक कराड : सांगा ना ताई

मयुरी बांगर : गेल्या चार वर्षापूर्वी आमचं लग्न झालं होतं. तेव्हा मला काही कारणास्तव बाहेर काढलेलं आहे. मला नीट वागू देत नाहीत. ड्रिंक, मारहाण, असे सगळे प्रकार माझ्यासोबत केले आहेत. त्यामध्ये त्याची आई, त्याची बहीण, बहीण हे सुद्धा सामील आहेत. त्यांचा सुद्धा या गोष्टींना पाठिंबा आहे.

वाल्मिक कराड : हम्म

मयुरी बांगर : मला त्यांनी टाकून दिलं आहे. माझं बाळ पोटात असताना माझे सासरे मला खाली करा बोलले. आम्ही पाच मीटिंग घेतल्या. माझ्या बाळाला दोन वर्षे झाले. त्यांनी एक रुपयाची सुद्धा मदत केली नाही. माझ्या वडिलांवर कर्ज आहे.

वाल्मिक कराड : हा

मयुरी बांगर : माझे वडील माझ्या लग्नाचं अजून कर्ज फेडत आहेत. त्यांनी हुंडा घेतला. त्यांना काय कमी आहे? पण त्यांनी माझ्या वडिलांकडून हुंडा घेतला. लग्नाच्या दिवशी माझ्या वडिलांना ब्लॅकमेल केलं. ऐन लग्नाच्या दिवशी माझ्या वडिलांकडून त्यांनी 5 लाख रुपये उचकवले