“एकनाथ खडसे गिरीश महाजन यांना यासाठीच टार्गेट करत असतील, कारण ते वैफल्यग्रस्त दिसत आहेत. आता त्यांची बरोबरी ते करु शकत नाहीत. गिरीश महाजन यांनी स्वत:चं नेतृत्व कामातून सिद्ध केलं आहे. सर्व महापालिका, नगरपंचायती, धुळे, जळगाव, नाशिक या सगळ्याच ठिकाणी एकहाती सत्ता मिळवली आहे. खडसेंना ते करता आलेलं नाही. मीपणाच्या अहंकारात त्यांनी बरेच वर्ष घातली. त्यांनी 40 वर्षे काम केलं. पण त्यांनी केवळ स्वत: साठी आणि परिवारासाठी काम केलं. ते पक्षासाठी कधीही झाले नाहीत”, अशी टीका मंगेश चव्हाण यांनी केली.

“ते गेल्यापासून एकहाती सत्ता यायला सुरुवात झाली. ते जिथे गेले तिथे त्या पक्षाचा पराभव झाला. एकनाथ खडसे हे सपाट पावले आहेत. ग्रामपंचायत गेली, त्यांच्या गावात, परिसरात कोणतंही पद राहिलं नाही. एकनाथ खडसे हे कधीही पक्षाचे नव्हते आणि झालेच नाहीत. त्यांच्यात पक्षांतर्गत कुणी आडवं आलं तर त्यांनी कायम आडवं केलं अशी अनेक उदाहरणं आपण पाहिली आहेत. त्यामुळे खडसेंना फार महत्त्व देण्याची गरज नाही”, असं मंगेश चव्हाण म्हणाले.

‘खडसेंनी आईचं दूध पिलं असेल तर…’

“अलिकडच्या काळात त्यांनी जी हद्द केली, म्हणजे नेत्यांना खालच्या स्तरावर जावून बदनाम करायचं, त्यांच्या परिवारावर जायचं, बघा तुम्ही जे सांगत आहात, अनेक दिवसांपासून सांगत आहेत. खरंच एकनाथराव खडसे यांनी त्यांच्या आईचं दूध पिलं असेल तर त्यांनी सर्व पुरावे जनतेसमोर आणावे”, असं चॅलेंज मंगेश चव्हाण यांनी दिलं.

‘यु टर्न करणारा हा सरड्यासारखा माणूस’

“तुम्ही किती वर्ष असे खोटे आरोप कराल? एकनाथ खडसे यांनी त्यांच्या आयुष्यात जेवढे आरोप केले त्या सगळ्या प्रकरणांचे पुरावे खडसे सादर करु शकले नाहीत. या माणसाचं अति तिथे माती झाली आहे. वयामानाने आम्ही बोलणं टाळत होतो. पण त्यांनी आता पक्षाची आणि नेत्यांची बदनामी करणं चालू केलं आहे. यु टर्न करणारा हा सरड्यासारखा माणूस आहे. अनेक रंग बदलतो. त्याचे रंग समाजासमोर आणावे लागतील”, असंदेखील मंगेश चव्हाण म्हणाले.