प्राप्त माहितीनुसार, बुधवारी दुपारी बिल्डर विक्रम यांनी आईला डोळ्याच्या शस्त्रक्रियेसाठी हॉस्पिटलमध्ये दाखल केले. दरम्यान, दलाल रवींद्र याने त्यांच्या मोबाइलवर संपर्क साधला. शस्त्रक्रिया सुरू असल्याने विक्रम यांनी प्रतिसाद दिला नाही. काही वेळाने रवींद्रने पुन्हा त्यांच्याशी संपर्क साधून पीव्हीके वाइन शॉप परिसरातील हॉटेलमध्ये भेटायला बोलाविले. विक्रम हे कारने तेथे गेले असता त्यांना रवींद्र दिसला नाही. त्यांनी रवींद्रच्या मोबाइलवर संपर्क साधत ‘तुम्ही कुठे आहात’, अशी विचारणा केली. ‘मी बारमध्ये आहे’, असे रवींद्र हा विक्रम यांना म्हणाला. ‘तुम्ही दिवसाच दारू पित आहात का’ असे विक्रम त्याला म्हणाले असता ‘मी खिचडी खात आहे’ असे तो म्हणाला. तसेच ‘दिवसाच दारू पित आहात का’ अशी विचारणा केल्याने रवींद्र संतापला. तो तिथे आला.
हनी ट्रॅपवरुन आरोप-प्रत्यारोप! वडिलांना खडसे व ‘मोठ्या साहेबां’नी अडकवले, प्रफुल्ल लोढाच्या मुलाचा आरोपविक्रम हे कारमध्ये बसले असताना रवींद्रने त्यांना आवाज दिला. त्याने विक्रम यांना पानठेल्याजवळ बोलावित तेथील मटका रोटीच्या हॉटेलमध्ये नेले. तेथील मडके विक्रम यांच्या डोक्यावर फोडून मारहाण केली. त्यानंतर पानठेला चालकाला कैची मागितली. त्याने नकार दिला. परत मारहाण केली. त्यानंतर बळजबरीने त्यांना कारमध्ये बसविले. यादरम्यान विक्रम यांची सोनसाखळी व चष्मा कुठे तरी पडला. कारमध्ये बसल्यानंतर सिटबेल्टने रवींद्रने त्यांचा गळा आवळला.
वादात सापडलेल्या मंत्र्यांना मिळणार डच्चू? विविध वादांमुळे मंत्रिमंडळ फेरबदलाची चर्चा
रवींद्र याने कार सुरू करीत समोर नेली व जोरदार ब्रेक दाबला. संधी साधून विक्रम हे कारमधून बाहेर निघाले असता परत रवींद्रने त्यांना मारहाण केली. संधी साधून विक्रम तेथून पळाले. त्यांनी मित्राला माहिती दिली. त्यानंतर मित्रासह विक्रम यांनी बजाजनगर पोलिस ठाणे गाठून तक्रार दिली. पोलिसांनी गुन्हा दाखल करून तपास सुरू केला आहे.