“मला त्याच व्हिडीओवर स्पष्टीकरण द्यायचं आहे. तो जो आरोपी आहे, त्याच्याबद्दल मला स्पष्टीकरण द्यायचं आहे. मला आतून सरांचा आदेश आला होता की, मॅडम पेशंट आतमध्ये पाठवू नका. पेशंट थांबवा. मी वारंवार आरोपीला थांबवण्याचा प्रयत्न करत होती की, थांबा. तुमचा नंबर नाही. मला सरांनी तिकडून पेशंट न पाठवण्याचा आदेश दिला आहे. तरी तो सारखा घाई करत होता. त्याने मला एवढ्या घाण शिव्या घातल्या आहेत की मी त्या सांगूही शकत नाही”, असं पीडिता म्हणाली.

‘माझ्या संरक्षणासाठी मी एवढं सुद्धा करु शकत नाही का? ‘

“ज्याप्रकारे तो माझ्या अंगावर धावत आला, त्याने मला मारलंसुद्धा. त्याने माझ्या मानेवर लाथ मारली. हेच मी त्याच्या नातेवाईकांना सांगायला गेली की हे तुम्ही बघत कसे उभे राहिले? हे सांगत असताना मी त्याच्या भावजयीला मारलं. माझ्या संरक्षणासाठी मी तेवढं सुद्धा नाही करु शकत का? तो मला एवढ्या घाण परिस्थितीत मारत होता की हे सर्व बघत उभे राहिले होते. माझ्या संरक्षणासाठी मी एवढं सुद्धा करु शकत नाही का? त्याचवेळी माझं काही झालं असतं तर कोणी जबाबदारी घेतली असती?”, असा सवाल पीडित मुलीने केला.

“त्याने अगोदर माझ्या मानेवर लाथ मारली ते व्हिडीओत आलं आहे की नाही ते मी एवढं बघितलं नाही. पण त्याने एवढ्या जोरात मारलं की माझी उठायची देखील अवस्था नव्हती”, अशी प्रतिक्रिया पीडित मुलीने केली. दरम्यान, आज समोर आलेल्या व्हिडीओनंतर काही जणांकडून मुलीवरही टीका केली जात आहे. तसेच मुलीवरही गुन्हा दाखल व्हावा, अशी मागणी केली जात आहे. त्यावर मनसे महिला सेनेकडून आक्षेप घेण्यात आला आहे. पीडितेने स्वत:च्या संरक्षणासाठी महिलेला मारहाण केली, असं मनसे महिला सेनेच्या पदाधिकाऱ्यांनी म्हटलं आहे.