शहरातील कोतवाली पोलिस ठाण्यात या २१ वर्षीय महिने फिर्याद दिली. त्यावर पोलिसांनी गुन्हा दाखल करून रात्रीच काळे यांना अटक केली. तिने फिर्यादीत म्हटले आहे की, आपले पतीसोबत कौटुंबिक वाद सुरू आहेत. त्यात मदत मिळावी म्हणून काळे यांच्या अहिल्यानगर येथील संपर्क कार्यालयात येत होते. काळे यांनी मदतीचे आमिष दाखवत संपर्क कार्यालयात वारंवार अत्याचार केला. कोणाला सांगू नये, यासाठी जीवे मारण्याची धमकीही दिली, असे फिर्यादीत म्हटले आहे. काळे यांना अटक झाल्यानंतर मंगळवारी शिवसेनेच्या स्थानिक पदाधिकाऱ्यांनी पोलिस उपअधीक्षक अमोल भारती यांची भेट घेतली. काळे यांनी शहरातील चारशे कोटींच्या गैरव्यवहाराचे प्रकरण उघडकीस आणले आहे. त्यामुळे राजकीय द्वेषापोटी त्यांना या खोट्या गुन्ह्यात अडकवण्यात आल्याचा आरोप पदाधिकऱ्यांनी निवेदनाद्वारे केला आहे. यावेळी युवा सेनेचे राज्य सहसचिव विक्रम राठोड, उपजिल्हाप्रमुख गिरीष जाधव, अंबादास शिंदे यांच्यासह पदाधिकारी उपस्थित होते.

Sanjay Raut : राऊतांकडून 300 कोटींच्या भ्रष्टाचाराचा आरोप, संग्राम जगतापांची टीका, म्हणाले, ईडीचा प्रसाद…

फिर्यादीत काय म्हटलंय?

ही महिला कर्जतची आहे. २०१९ च्या निवडणुकीच्या वेळी किरण काळे कर्जतला गेले होते. तेव्हा या महिलेने त्यांना पाहिले होते. त्यानंतर सोशल मीडियाच्या माध्यमातून त्यांचा सपंर्क झाला. पुढे त्या महिलेचा विवाह झाला. मात्र तिचा पती दारू सेवन करून तिला त्रास देत असे. त्यामुळे यामध्ये किरण काळे यांनी मदत करावी, अशी विनंती त्या महिलेने केली. काळे यांना नगर शहरात भेटण्यासाठी ती एसटीने नगरला आली. बस स्थानकावर काळे गाडी घेऊन तिला घ्यायला गेले. गाडीतून तिला कार्यालयात आणले आणि तेथे अत्याचार केला. त्यानंतर महिलेले पुन्हा फोन करून काळे यांना जाब विचारला. त्यांनी समजूत काढून तिला पुन्हा पुन्हा बोलावत अत्याचार केले.

२०२४ च्या निवडणुकीत मात्र काळे यांनी त्या महिलेशी संपर्क तोडला. तिला मदतही केली नाही. घर खर्चाला मदत करणे बंद केले. वादात मदत तर झाली नाहीच. उलट काळे यांच्याशी संबंध असल्याचे कळाल्यावर तिचा पती जास्तच त्रास देऊ लागला. त्यामुळे त्या महिलेने नगरमधील सामाजिक कार्यकर्ते पवन भिंगारदिवे यांच्याशी संपर्क करून काळे यांच्याबद्दल माहिती दिली. भिंगारदिवे यांनी तिला कायदेशीर मदत मिळून देण्यासाठी आधार देत पोलिस ठाण्यात नेले. तेथे ही फिर्याद देण्यात आली. त्यानंतर सोमवारी रात्रीच पोलिसांनी काळे यांना अटक केली. आज दुपारी त्यांना न्यायालयात हजर करण्यात आले असता त्यांना २५ जुलैपर्यंत पोलिस कोठडी दिली.