आई, तुझी कामामुळे खूप धावपळ होते. तुला त्रास द्यायचा नाही. माझा शैक्षणिक खर्च फार आहे. तू टेन्शन घेऊ नको, या आशयाची ‘सुसाइड नोट’ इंग्रजीत लिहून एका महिला पोलिस अंमलदाराच्या लेकीने गळफास घेत जीवन संपविल्याची धक्कादायक घटना उघड झाली आहे.

आडगाव पोलिसांनी दिलेल्या माहितीनुसार, मृत पूजा हिने बारावी उत्तीर्ण केल्यानंतर पदवी अभ्यासक्रमास प्रवेश घेत पुढील शिक्षण सुरू केले होते. वडील आणि आई विभक्त राहत असल्याने पूजा आईकडे वास्तव्यास होतील. कौटुंबिक स्थितीसोबत जुळवून घेत पूजा उच्च शिक्षणाचे स्वप्न बघत होती. मात्र, दोन दिवसांपूर्वी रात्री अचानक तिने गळफास घेतला. घटनेची माहिती मिळताच आडगाव पोलिसांनी पंचनामा करून मृतदेह ताब्यात घेत विच्छेदनासाठी पाठविला. सुसाइड नोट जप्त करीत तपास सुरू केला.
हनी ट्रॅप प्रकरणात भाजपचे प्रफुल्ल लोढा अटकेत, एकनाथ खडसेंचं महाजनांकडे बोट; म्हणाले, आरोपी….
विवाहितेची आत्महत्या
पतीसह तिघांवर गुन्हा
चांदवड : बहादुरी येथील ३५ वर्षीय कल्याणी संतोष शिरसाठ या महिलेने शारीरिक व मानसिक त्रासाला कंटाळून आत्महत्या केल्याचा प्रकार समोर आला असून, याप्रकरणी वडनेरभैरव पोलिसांत पतीसह सासरच्यांविरोधात गुन्हा दाखल करण्यात आला आहे. सुभाष दगू जाधव (वय ५३, रा. गोहरण, ता. चांदवड) यांनी दिलेल्या फिर्यादीनुसार कल्याणीचा २०१४ रोजी संतोष दत्तात्रय शिरसाठ यांच्याशी विवाह झाला.
Nashik Crime: पोत हिसकावणाऱ्यांना ‘आजीची बेडी’! ग्रामस्थांनी चोप देत चोरट्यांना केले पोलिसांच्या स्वाधीन, प्रकरण काय?
१९ मे २०१४ पासून ते १९ जुलै २०२५ पर्यंत कल्याणीला पती व सासरच्या मंडळींनी मानसिक आणि शारीरिक त्रास दिला. या त्रासामुळे अखेर तिने शनिवारी (दि १९) सायंकाळी विहिरीत आत्महत्या केली, असा आरोप फिर्यादीत केला आहे. याप्रकरणी संतोष दत्तात्रय शिरसाठ (पती) दत्तात्रय दगू शिरसाठ (सासरे) चंद्रकला दत्तात्रय शिरसाठ (सासू) यांच्यावर गुन्हा दाखल करण्यात आला.