Mumbai Pit bull Dog attacks Boy : मानखुर्द परिसरात राहणाऱ्या मोहम्म्द हसन याच्याकडे पाळीव कुत्रा आहे. त्याने मुलाला रिक्षाच्या मागे बसवले. त्यानंतर मुलाला घाबरवण्यासाठी कुत्र्याच्या शेजारी बसवले.
मानखुर्द येथे राहणाऱ्या या जखमी मुलाच्या वडिलांना या मुलाला कुत्रा चावल्याची माहिती फोनवरून मिळाली. त्यांनी मुलाकडे धाव घेत त्याला खासगी रुग्णालयामध्ये उपचारासाठी नेले. मुलाला विश्वासात घेऊन विचारणा केल्यानंतर त्याने ही माहिती दिली.
नेमकं काय प्रकरण?
मानखुर्द परिसरात राहणाऱ्या मोहम्म्द हसन याच्याकडे पाळीव कुत्रा आहे. त्याने मुलाला रिक्षाच्या मागे बसवले. त्यानंतर मुलाला घाबरवण्यासाठी कुत्र्याच्या शेजारी बसवले. हा मुलगा भीतीने रडत होता. विनवणी करत होता. त्याच वेळी या मुलाच्या हनुवटीवर कुत्र्याने चावा घेतला. मुलाने कशीबशी स्वतःची सुटका करून घेतली. तिथे उपस्थित काही जणांनी हा व्हिडिओ काढला. सोशल मीडियावर तो व्हायरल झाला.
17 जुलै रोजी संबंधित मुलगा मानखुर्दमध्ये त्याच्या मित्रांसोबत ऑटो-रिक्षात खेळत होता, तेव्हा कुत्र्याला पाहून सर्वजण आनंदी झाले आणि “पिट बुल! पिट बुल!” असं ओरडू लागले. मात्र त्यांचा आनंद काही क्षणात वेदनेत बदलणार असल्याची पुसटशी कल्पनाही त्यांना नव्हती.
Pune Crime : पाठलाग करत गाडी आडवी लावली, पुण्यात भरपावसात विवाहितेवर अत्याचार, नवऱ्याने संशय घेत घराबाहेर काढलं
त्यानंतर घडलेली घटना अत्यंत अस्वस्थ करणारी होती. हसनने आधी मुलाला कुत्र्याची भीती घातली, नंतर कुत्र्याला त्याच्या अंगावर सोडलं. स्वतःला वाचवण्याच्या प्रयत्नात मुलाने रिक्षातून उडी मारली आणि धूम ठोकली. परंतु हा प्रकार इथवर थांबला नाही. पिट बुलने त्याचा पाठलाग केला आणि त्याला अनेक ठिकाणी चावा घेतला.
Nanded | पुन्हा हुंडाबळी, विष देऊन मुलीला मारलं, आई-वडिलांचा गंभीर आरोप
Sangli Crime : घरामागे कोणीतरी पूजा घातल्याचा संशय, पाटील कुटुंबाचं टोकाचं पाऊल, सासू-सुनेचा मृत्यू, बापलेक गंभीर
धक्कादायक म्हणजे कुत्रा चिमुरड्यावर हल्ला करत असताना आजूबाजूचे बघे या घटनेचं मोबाईलवर चित्रीकरण करण्यात व्यस्त होते. त्यामुळे कोणीही त्याच्या मदतीला आलं नाही, असा आरोप मुलाने केला. तो म्हणाला की कुत्रा चावला आणि त्याचे कपडे हिसकावून त्याचा पाठलाग करत असल्यामुळे तो प्रचंड घाबरला आहे.
पाहा व्हिडिओ :
Meet Mohammad Sohail Hasan Khan from PMGP MHADA Colony in Mankhurd, Mumbai who is laughing while his pit bull is attacking a child. The child was playing inside a parked rickshaw when Khan released his dog on him and the Dog bite the child on hand and chinpic.twitter.com/gzvUB8abBY
— NCMIndia Council For Men Affairs (@NCMIndiaa) July 20, 2025
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा