पोलिसांनी दिलेल्या माहितीनुसार, रविवारी (20 जुलै) रोजी सायंकाळी चारच्या दरम्यान संत तुकाराम महाराज पालखी महामार्गावर जराडवाडी हद्दीत आठवा मैल जवळ अपघाताची घटना घडली आहे. यामध्ये हिरो होंडा कंपनीची स्प्लेंडर (दुचाकी क्र. – एम. एच. 42 व्ही 3219) दुचाकी बारामतीच्या दिशेने निघाली होती. यावेळी समोरुन होंडा कंपनीची अ‍ॅक्टिव्हा (दुचाकी क्र – एम. एच १४ जे. जी. ९२०६ ) ही दुचाकी बारामतीकडून पाटसकडे निघाली होती. या दोन दुचाकी समोरासमोर एकमेकांवर जोरदार धडकून अपघात झाला आहे. अपघातात अक्कामाई ज्ञानेश्वर वलेकर (वय 39) या गंभीर जखमी झाल्या आहेत. त्यांना उपचारासाठी बारामतीत खाजगी रुग्णालयात दाखल करण्यात आले आहे. या घटनेने परिसरात एकच खळबळ माजली आहे.
Baramati News : भरधाव कार दुभाजक ओलांडून दुसऱ्या लेनमध्ये, दुचाकीला धडक; कारचा चक्काचूर, दोघांचा दुर्दैवी शेवट
पंधरा दिवसांपूर्वी याच मार्गावर आणखी एक भीषण अपघात झाला होता. या अपघातातही दोघांचा मृत्यू झाला होता. टाटा टिगोर कंपनीची कार दौंडकडून बारामतीकडे निघाली होती. यादरम्यान कारचालकाचं कारवरील नियंत्रण सुटलं आणि कार राष्ट्रीय महामार्गावरील मोठा दुभाजक ओलांडून दुसऱ्या बाजूला गेली. त्यावेळी त्या रस्त्याने येणाऱ्या दुचाकीची या कारसोबत जोरदार धडक झाली आणि या अपघातात दोघांचा मृत्यू झाला आहे. हा अपघात इतका भीषण होता की, वाहनचालकाचं शीर धडावेगळं झालं आणि कारचालकाचाही मृत्यू झाला.