मिळालेल्या माहितीनुसार, खंबाट वस्तीमध्ये तीन मुलांना अचानक लुळेपणा आणि अशक्तपणाची लक्षणे दिसली. याबाबतची माहिती समोर आल्यानंतर आरोग्य विभाग तातडीने कामाला लागला आहे. दोन दिवसांपूर्वी एका मुलालाही लक्षणे जाणवली. त्याला लगेच रुग्णालयात दाखल केले. त्याच्या प्रकृतीत सुधारणा होत आहे. डॉक्टरांच्या अंदाजानुसार त्याला जीबीएस (GBS) नसावा. त्यानंतर आणखी दोन मुलांना अशीच लक्षणे दिसली. त्यांच्यावरही उपचार सुरू आहेत आणि त्यांची प्रकृती सुधारत आहे. त्यामुळे त्यांनाही जीबीएस नसावा, असा अंदाज आहे.

Chhatrapati Sambhajinagar: अनधिकृत बांधकामांचा पंचनामा नाहीच, थेट तोडफोड! मोबदल्यासाठी आता होणार बाधितांचे हाल

या घटनेनंतर खंबाट वस्तीत सर्वेक्षण सुरू केले आहे. पाण्याचे स्रोत बंद केले आहेत. जवळपासच्या गावांमध्येही सर्वेक्षण सुरू असून लोकांमध्ये जनजागृती करण्याचे काम सुरू आहे. जिल्हा आरोग्य अधिकारी डॉ. अभय धानोरकर यांनी लोकांना घाबरून न जाता काळजी घेण्याचे आवाहन केले आहे. ते म्हणाले, “नागरिकांनी घाबरून न जाता काळजी घ्यावी.”

आरोग्य अधिकाऱ्यांनी दिलेल्या माहितीनुसार, तीनही बालकांची प्रकृती सुधारत आहे. पहिल्या मुलामध्ये सुधारणा पाहता त्याला जीबीएस नसावा, असा अंदाज आहे. इतर दोन मुलांमध्येही सुधारणा दिसून येत आहे. त्यामुळे त्यांनाही जीबीएस नसेल, असे वाटते. खबरदारी म्हणून आरोग्य विभाग पूर्णपणे लक्ष ठेवून आहे.