एका ४५ वर्षीय भोंदू मांत्रिकाने अल्पवयीन मुलीला ऑफिसमध्ये बोलावून तिच्यावर लैंगिक अत्याचार करण्याचा प्रयत्न केल्याची गंभीर घटना उघडकीस आली आहे. या प्रकारानंतर संबंधित भोंदू बाबा अखिलेश लक्ष्मण जाधव (वय ४५, रा. पुणे) याच्याविरुद्ध IPC कलम 295, तसेच महाराष्ट्र नरबळी आणि अघोरी प्रथा प्रतिबंधक कायदा 2013 अंतर्गत कलम 74, 78 नुसार गुन्हा दाखल करण्यात आला आहे.
Pune News :विविध मागण्यांसाठी रिक्षा व कॅबचालकांचा संपामुळे प्रवाशांना फटका, प्रशासकीय यंत्रणांचे दुर्लक्ष
पीडित मुलगी ही कॉलेजला जाणारी असून, आरोपी जाधव याने तिला व्हॉट्सअ‍ॅपवर मेसेज करून ऑफिसमध्ये वस्तू घ्यायला बोलावलं. कॉलेज संपल्यानंतर मुलगी ऑफिसमध्ये पोहोचली. तिथे कोणीही नसल्याचा फायदा घेत आरोपीने तिला एका पडद्यामागे घेऊन “मंत्र म्हण” असे सांगितले. मुलीने भीतीने नकार दिला, यावर भोंदू बाबाने तिला जबरदस्तीने मिठी मारली आणि किस करण्याचा प्रयत्न केला.
Pune Crime: आठ लाखांचे दागिने घेतले, पण पैसे देईना; पुण्यातील सराफाला फसवणाऱ्या पोलिसावर गुन्हा दाखल
या धक्कादायक घटनेनंतर पीडित मुलीने सर्व प्रकार आपल्या भावाला सांगितला. त्यानंतर भावाने सहकारनगर पोलीस ठाण्यात तक्रार दाखल केली आणि त्यानुसार गुन्हा नोंद करण्यात आला आहे. एकीकडे पुणे हे शिक्षण, बुद्धिवाद आणि विज्ञानवादी विचारसरणीचं केंद्र मानलं जातं, परंतु दुसरीकडे अनेक नागरिक आजही आर्थिक अडचण, आजार, भीती, किंवा तत्काळ यशाच्या आमिषाने अशा भोंदू बाबांच्या जाळ्यात अडकत आहेत. पुण्यात वाढत्या अंधश्रद्धा, जादूटोना, आणि भोंदू बाबांच्या कारवायांवर आळा घालण्यासाठी पोलीस, प्रशासन, आणि समाजसेवी संस्था यांची एकत्रित कृती गरजेची आहे. सामान्य नागरिकांनीही अशा प्रकारांना बळी न पडता तत्काळ कायदेशीर मार्ग अवलंबणे आवश्यक आहे.