मुंबईत फसवणुकीच्या घटना वाढल्या असतानाच मुंबई पोलिस दलातील एका पोलिसाला त्याच्याच सहकाऱ्याने फसविल्याची घटना समोर आली आहे. सुनील पाटील या कॉन्स्टेबलने गुन्हे शाखेतील कॉन्स्टेबल दिलीप राठोड यांची जामीनदार खोटी सही करून तसेच त्यांच्या गहाळ झालेल्या ओळखपत्राची छायांकित प्रत जमा करून पोलिसांच्या सोसायटीमधून सोळा लाखांचे कर्ज घेतले. राठोड यांना कर्ज थकीत असल्याची नोटीस आल्यावर हा प्रकार समोर आला.

Mumbai Crime : पैसे माघारी न दिल्याने दोघांना मुखमैथुन करायला लावत काढले व्हिडीओ; मुंबईतील तरुणांसोबत काय घडलं?भोईवाडा पोलिस ठाण्यात दाखल तक्रारीनुसार, दिलीप राठोड सध्या गुन्हे शाखेत प्रतिनियुक्तीवर आहेत. वीस वर्षे भारतीय सैन्य दलाची सेवा बजावल्यानंतर ते २०१६मध्ये मुंबई पोलिस दलात भरती झाले. पोलिस दलात भरती झाल्यानंतर अकोले येथील प्रशिक्षण केंद्रात राठोड यांची ओळख सुनील पाटील यांच्याशी झाली.

Mumbai Crime : संमतीने संबंध, तो मला ‘किकी पुकी’ म्हणायचा, अंगावर टॅटूही काढणार होता, अल्पवयीन विद्यार्थ्यावर अत्याचार प्रकरणी शिक्षिकेचा दावापाटील हेही सैन्य दलातून निवृत्ती घेऊन पोलिस दलात भरती झाले होते. दोघांची नियुक्ती सशस्त्र विभागात झाली. २०१८मध्ये पाटील यांनी मुंबई पोलिसांच्या पतसंस्थेतून बारा लाखांचे कर्ज काढले. या कर्ज व्यवहारात राठोड जामीनदार होते. दोन वर्षांनी पाटील यांनी पुन्हा या पतसंस्थेतून सोळा लाखांचे कर्ज घेतले. मात्र याबाबत राठोड यांना काहीच कळू दिले नाही.

पतसंस्थेतून राठोड यांना कर्ज थकबाकीबाबत नोटीस मिळाली. पाटील यांनी घेतलेल्या सोळा लाखांच्या कर्ज व्यवहारास आपण जामीन होता. पाटील कर्ज फेडत नसल्याने ही रक्कम आपण फेडावी, असे यात नमूद करण्यात आले होते. राठोड यांनी पतसंस्थेत जाऊन कर्ज व्यवहाराशी संबंधित कागदपत्रे पाहिली असता जामीनदाराच्या अर्जावर राठोड यांना स्वतःची बनावट सही आढळली. सोबत त्यांच्या गहाळ झालेल्या ओळखपत्राची झेरॉक्स कॉपीही दिसली.

याबाबत त्यांनी पाटील यांच्याकडे विचारणा केली असता, फेब्रुवारी २५पर्यंत कर्ज फेडतो, असे त्यांनी सांगितले. मात्र, मुदत संपूनही पाटील कर्ज फेडत नसल्याचे पाहून राठोड यांनी त्यांच्याविरुद्ध भोईवाडा पोलिस ठाण्यात तक्रार केली.