एमआयडीसी पोलिस ठाण्याच्या हद्दीतील वानाडोंगरी येथील मंगलमूर्ती कॉलनीत राहणारी वैदेही ‘नीट’ परीक्षेची तयारी करीत होती. तिचे वडील शहर पोलिस दलात कार्यरत असून आई गृहिणी आहे. वैदेहीची मोठी बहीण एमबीबीएस करते आहे. वैदेहीने यापूर्वी नीटची परीक्षा दिली होती. मात्र त्यात कमी गुण मिळाल्याने ती पुन्हा तयारी करीत होती.

ती सोमवारी नेहमीप्रमाणे शिकवणी वर्गाला गेली आणि सायंकाळी सात वाजताच्या सुमारास घरी परतली. आई-वडलांना वैदेहीची प्रकृती बरी नसल्याचे जाणवल्याने त्यांनी तिला डॉक्टरकडे नेले. मानसिक तणावात असल्याने तिची प्रकृती खालावल्याचे निदान डॉक्टरांनी केले. त्यामुळे सर्वजण घरी आले. त्यानंतर वैदेहीने खोलीत जाऊन पंख्याला साडी बांधत गळफास घेतला. बराच वेळपर्यंत ती बाहेर न आल्याने नातेवाईकांनी तिला आवाज दिला. मात्र, प्रतिसाद मिळाला नाही. अखेर शेजाऱ्यांच्या मदतीने दरवाजा तोडला असता वैदेही गळफास घेतलेल्या अवस्थेत दिसली.
Dharashiv Crime : साखरपुड्यानंतर वराच्या मित्रासोबत वधूचं लफडं, पळून लग्न; सावरगावातील ‘नवरदेवा’चे Sad WhatsApp Status बघून मित्राने थेट…

विद्यार्थ्याचाही गळफास

अंबाझरी पोलिस ठाण्याच्या हद्दीतील एका वसतिगृहात राहणारा ख्वाहिश हा बालाघाटमधील देवटोला येथील रहिवासी होता आणि नागपुरात ‘नीट’ परीक्षेची तयारी करीत होता. सोमवारी दुपारी त्याने मित्रांसोबत जेवण केले. त्यानंतर तो खोलीत गेला. अनेक तासांनंतरही तो खोलीच्या बाहेर आला नाही.

मित्रांनी आवाज दिला असता ख्वाहिशने प्रतिसाद दिला नाही. त्यामुळे त्याच्या मित्रांनी खोलीचा दरवाजा तोडला. त्यावेळी ख्वाहिश गळफास लावलेल्या अवस्थेत दिसला. ख्वाहिश हा गेल्या काही दिवसांपासून अभ्यासाच्या तणावात होता. मित्रांना त्याने याबाबत सांगितले होते. त्यावर तणावात राहू नको. काळजी करू नको, असे मित्रांनी त्याला समजावल्याचे कळते.
Pandharpur Murder : राहत्या घरात मायलेकाला संपवलं, पंढरपुरात खळबळ, संशयाची सुई कुणावर?
‘आई- बाबा, मला माफ करा, दीड आठवड्यापासून मी अभ्यास करू शकत नाही, असे वाटायला लागले. तुम्ही मला सर्वकाही दिले. प्रेमही. तुम्हाला एकदा भेटण्याची इच्छा होती. पण, मी आत्महत्या करीत आहे. तुम्ही रडू नका,’ अशा आशयाची चिठ्ठी लिहून ख्वाहिशने आत्महत्या केली. अंबाझरी पोलिसांनी त्याने लिहिलेली ही चिठ्ठी जप्त केली आहे.