सोलापूरमधील सलगर वस्ती पोलीस स्टेशनचे पोलिस निरीक्षक उमाकांत शिंदे यांनी याबाबत प्राथमिक माहिती दिली. मृत आनंद हा दमाणी नगर येथे वास्तव्यास आहे. पण तो मंगळवारी दुपारी मावशीकडे आला. त्यावेळी घरात कोणी नसल्याने त्याने छताच्या वाशाला दोरीच्या साहाय्याने गळफास घेऊन आत्महत्या केली. ही घटना मावशी घरी आल्यानंतर उघडकीस आली. त्यापूर्वी त्याने लहान डायरीच्या काही पानांवर त्याने चिठ्ठी लिहिली असून, यात त्याने दोघांच्या त्रासाला कंटाळून आत्महत्या केल्याचे सांगितले. पोलीस तपास सुरू आहे अशी माहिती पोलिसांनी दिली आहे.
मराठा समाजाची 18 जुलैला अक्कलकोट बंदची हाक, बैठकीत नेमकं काय ठरलं?

सहा महिन्यांपूर्वी आनंदला मारलं होतं

सहा महिन्यांपूर्वी त्याचे भांडण झाल्यावर आनंदला खूप मारलं होते. यामुळे त्याने आत्महत्या केली. यामुळे संबंधितांवर गुन्हे दाखल केल्यानंतरच मृतदेह ताब्यात घेऊअशी भूमिका नातेवाईकांनी घेतली होती. पोलिसांनी मध्यस्थी करून नातेवाईकांची समजूत काढण्यात आली. अरुण रोडगे आणि शकलेश जाधव याच्यावर सलगरवस्ती ठाण्यात गुन्हा दाखल झाल्यानंतर मृतदेह ताब्यात घेण्यात आला.

चार वर्षापूर्वी पहिला मुलगा गेला, आता दुसरा मुलगाही गेला, असे सांगत आनंदची आई अंजना शिंदे यांना रडू कोसळले. आनंदने आत्महत्या केल्यानंतर तीन चिठ्ठ्या सापडल्या आहेत. या चिठ्ठया आनंदने लिहिल्याचे नातेवाईकांचे म्हणणे आहे. सुरूवातीला सही करून आई-बाबा, पूजा, कोमल वहिनी, माझ्याकडून काय चुकले तर माफ करा. मी चुकलो, हरलो. ना मी तुमचा झालो ना तुम्ही माझे. दुसऱ्या पानावर : मी असा नव्हतो. माझी इच्छा नव्हती फाशी घ्यायची. पण मला घ्यायला भाग पाडले, माझा मोबाइल हॅक करून निराश केले असे लिहून रोडगेचे नाव घेतले आहे. तिसऱ्या पानावर : या चिठ्ठीत दुसऱ्या जाधवचे नाव लिहून त्याखाली सही केली आहे.