पक्षांतरासाठी चाचपणी

जळगाव महापालिकेसह जिल्ह्यातील नगरपालिकांमधील माजी नगरसेवकांकडूनदेखील भाजपत प्रवेशासाठी चाचपणी सुरू केल्याचे विश्वसनीय वृत्त आहे. नुकतीच जळगावात शिवसेना (उबाठा) पक्षाची बैठक पार पडली. या बैठकीला जळगाव महापालिकेच्या माजी महापौरांसह काही माजी नगरसेवकांनी चक्क पाठ फिरवल्याने आता या चर्चांनी जोर धरला आहे. त्यामुळे आगामी काही दिवसांत जळगाव जिल्ह्यात महाविकास आघाडीला खिंडार पडण्याची शक्यता आहे. ही परिस्थिती पाहता, आगामी काळात महाविकास आघाडीसमोर मोठे आव्हान उभे ठाकणार आहे.
Dr Deepak Tilak : लोकमान्य टिळकांचे पणतू डॉ. दीपक टिळक यांचे निधन, पुण्यातील राहत्या घरी अखेरचा श्वास
या पक्षांतरामुळे संघटनात्मकदृष्ट्या कमकुवत झालेल्या महाविकास आघाडीतील घटक पक्षांकडून आता संघटनात्मक बांधणीचे प्रयत्न सुरू आहेत. राष्ट्रवादी शरद पवार गट, शिवसेना उबाठा व काँग्रेसकडून ‘डॅमेज कंट्रोल’साठी बैठकांचा सपाटा सुरू आहे. मात्र, अद्याप या पक्षातील पदाधिकाऱ्यांमध्ये हवा तसा उत्साह निर्माण झालेला नाही. भाजपमध्ये लवकरच प्रवेश होणाऱ्यांमध्ये अमळनेरचे माजी आमदार बी. एस. पाटील व यावलचे माजी आमदार अरुण पाटील यांच्या नावांचा समावेश आहे. हे दोन्ही नेते सध्या राष्ट्रवादी शरद पवार गटात आहेत.
Raj Thackeray : उद्धवजींसोबत जाऊया, मनसे नेत्यांचा सूर, तरी राज ठाकरेंचं ‘वेट अँड वॉच’ का? अखेर उत्तर मिळालं

जिल्ह्यात महाविकास आघाडीतील तब्बल पाच माजी आमदारांनी सत्ताधारी भाजप आणि राष्ट्रवादी काँग्रेसच्या अजित पवार गटात प्रवेश केला आहे. केवळ आमदारच नव्हे, तर अनेक प्रमुख पदाधिकाऱ्यांनीही भाजप, शिवसेना (शिंदे गट) आणि अजित पवार गटाची वाट धरली. त्यापाठोपाठ आता शरद पवार गटातील माजी आमदारदेखील भाजपत प्रवेश करण्यासाठी प्रयत्नशील आहेत. त्यामुळे आगामी काही दिवसांत महाविकास आघाडीला मोठा सुरुंग लागण्याची शक्यता आहे.