विंग कमांडर वीरेंद्र कुमार हे आपल्या कौशल्या बंगल्यात झोपले असताना दोन अज्ञात इसम घरात घुसले. थेट बेडरूममध्ये घुसून विंग कमांडर यांच्या तोंडावर हात ठेवला आणि त्यांना उठवले. दोन्ही चोरट्यानी सोने कुठे अशी विचारणा केली आणि जरा सुद्धा हलू नका असा त्याला दम दिला. त्यांच्या हातामध्ये हातोडी हेक्सा ब्लेड टाईपचे रॉड होते. कमांडरसोबत झटपट करत चोरट्यांनी कपाटाची चावी घेतली आणि कपाटात असलेले तब्बल 40 तोळे सोने आणि साडेआठ लाख रुपये पळवले.
Pune Crime : भीमाशंकरच्या जंगलात रिक्षावाल्याने लुटलं, 69 वर्षीय वृद्धाचा आरोप, पुण्यातील प्रकरणात धक्कादायक ट्विस्टलष्कराच्या विंग कमांडरच्या घरीच दरोडा पडल्याने शहरात खळबळ उडाली आहे. या घटनेची माहिती मिळताच पोलिसांनी घटनास्थळी धाव घेतली. पोलिसांकडून तपास हा केला जातोय. बंगल्याला पूर्णपणे सुरक्षा असताना चोर घरात नेमके कसे घुसले, याचा तपास केला जात आहे. चोरटे थेट बेडरूममध्ये शिरले आणि त्यांनी पूर्ण घराची झाडाझडती अगोदर घेतली. वीरेंद्र कुमार हे झोपलेले होते. मात्र, चोरट्यांनी त्यांना अगोदर उठवले आणि त्यांच्या तोंडाला हात ठेवला.

विंग कमांडर वीरेंद्र कुमार जिंदाल यांच्याकडून चोरट्यांनी बळजबरीने कपाटाची चावी घेतली आणि 40 तोळे सोने लंपास केले. पोलीस विंग कमांडर वीरेंद्र कुमार यांच्या कौशल्या बंगल्यावर पोहोचले असून तपास केला जातोय. या चोरांना पकडण्याचे मोठे आव्हान पुणे पोलिसांच्या पुढे आहे. शहरात चोरींच्या घटनांमध्ये वाढ होत असतानाच आता थेट विंग कमांडरच्या घरी चोरी करण्याचे धाडस या चोरट्यांनी केले आहे. त्यांनी विग कमांडरला धमकावल्याचाही माहिती मिळतंय.