कोयना धरणातील सोमवारी सायंकाळी ५ पर्यंतचा पाणीसाठा, धरण पाणलोट क्षेत्रातील पावसाचे प्रमाण, धरणातील पाण्याची आवक आणि मान्सूनचा उर्वरित कालावधी विचारात घेऊन धरणातून विसर्ग वाढविण्याचा निर्णय घेण्यात आला आहे. कोयना जलाशय परिचलन सूचीनुसार पाणीपातळी नियंत्रित ठेवण्यासाठी धरणातून जादा पाणी सोडणे आवश्यक असल्याने उद्या (मंगळवारी) धरणाचे दरवाजे उघडण्यात येणार आहेत.
Mumbai News: झाडे लावली, माहिती कुठेय? वृक्षभरपाई माहितीसाठी वेबसाइटच्या शक्यतेविषयी न्यायालयाची विचारणा
कोयना धरणाचे सर्व सहा वक्र दरवाजे मंगळवारी (१५ जुलै) सकाळी ११ वाजता दीड फुटाने उघडून धरणाच्या सांडव्यावरून ५००० क्युसेक विसर्ग कोयना नदीपात्रात सोडण्यात येणार आहे. गेल्या काही दिवसांपासून धरणाच्या पायथा विद्युतगृहाचे दोन्ही युनिट सुरू आहेत. त्याद्वारे २१०० क्युसेक्स विसर्ग नदीपात्रात सुरू आहे. सांडव्यावरून विसर्ग सुरू झाल्यानंतर धरणातून एकूण ७१०० क्युसेक विसर्ग कोयना नदीपात्रात सुरू राहील.

कोयना धरणातून मंगळवारी विसर्ग वाढविल्यानंतर कोयना आणि कृष्णा या दोन्ही नद्यांच्या पाणी पातळीत लक्षणीय वाढ होणार आहे. त्यामुळे नदीकाठच्या गावांना प्रशासनाने सतर्कतेचा इशारा दिला असून नागरिकांनी नदीपात्रात उतरू नये, असं आवाहन केलं आहे. दरम्यान, धरण पाणलोट क्षेत्रात पावसाचा जोर वाढल्यास धरणातून आणखी विसर्ग वाढविला जाणार आहे.