माहितीनुसार, शिवम वडेगाव येथील जिल्हा परिषद शाळेत दुसरीत शिक्षण घेत होता. रविवारी सकाळी सुमारे १०.५० वाजता तो काही मित्रांसह वडेगाव-वेलसाखरा फाटा रस्त्यालगत असलेल्या एका बंगल्यासमोर खेळत होता. खेळता-खेळता शिवम रस्त्याच्या दुसऱ्या बाजूला जाण्यासाठी रस्ता ओलांडत असताना बोरगावकडून प्रचंड वेगात आलेल्या ओम्नी व्हॅनने त्याला जोरदार धडक दिली. धडक इतकी तीव्र होती की, शिवम रस्त्यावर दूर फेकला गेला आणि गंभीर जखमी झाला.
Nagpur News : स्विमिंग पूलमध्ये उतरले; काही क्षणात होत्याचं नव्हतं, नागपुरात ज्येष्ठ नागरिकासोबत काय घडलं?
अपघात होताच परिसरात मोठी खळबळ उडाली. नागरिकांनी तत्काळ मदतीला धाव घेत, गंभीर जखमी अवस्थेत शिवमला उमरेड ग्रामीण रुग्णालयात हलवले. मात्र, डॉक्टरांनी तपासून त्याला मृत घोषित केले. अपघातामुळे आत्राम कुटुंबावर दुःखाचा डोंगर कोसळला असून गावात शोककळा पसरली आहे.
Devendra Fadnavis : उज्ज्वल निकम यांच्या राज्यसभा खासदार निवडीवर देवेंद्र फडणवीसांकडून स्वागत, म्हणाले…
अपघात झाल्यानंतर व्हॅनचालकाने घटनास्थळावरून पळ काढला. घटनेची माहिती मिळताच उमरेड पोलिस ठाण्याचे कर्मचारी घटनास्थळी दाखल झाले. पोलिसांनी घटनास्थळाचा पंचनामा करून मृतदेह उत्तरीय तपासणीसाठी पाठवला आहे. या प्रकरणी अज्ञात व्हॅनचालकाविरोधात भारतीय दंड विधानाच्या कलम ३०४(अ) (गैरकृत्यामुळे मृत्यू), २७९ (धोकादायक वाहनचालना), ३३७ आणि ३३८ (इतर व्यक्तींना दुखापत पोहोचवणे) अंतर्गत गुन्हा दाखल करण्यात आला आहे.
हल्दीराम कंपनीच्या मालकाची मोठी फसवणूक; तब्बल इतक्या कोटी रुपयांचा घातला गंडा
व्हॅन आणि चालकाचा शोध सुरू असून, पोलिसांनी अपघात स्थळी सीसीटीव्ही फुटेज तपासून आरोपीचा शोध घेत आहे. दरम्यान, या दुर्घटनेमुळे परिसरातील नागरिकांनी भरधाव वाहनचालकांविरोधात कठोर कारवाईची मागणी केली आहे. तसेच, अपघात प्रवण ठिकाणी योग्य उपाययोजना कराव्यात, अशी मागणी नागरिकांकडून होत आहे.