शहरातील वाहतूककोंडी कमी करण्यासाठी सार्वजनिक वाहतुकीचा अधिकाधिक वापर करावा, यासाठी परिवहन आयुक्तालयाकडून विविध प्रवासी केंद्रीत उपक्रम राबवण्यात येत आहेत. रेल्वे, एसटी, बेस्ट येथे हरवलेल्या वस्तूंची तक्रार दाखल करणे, माहिती देणे यासाठी स्वतंत्र यंत्रणा कार्यान्वित आहेत. महामुंबईत धावणाऱ्या अॅपआधारित वाहने अर्थात ओला, उबर, रॅपिडो अशा कंपन्यांच्या मोबाइल अॅपवरही हरवलेल्या वस्तूंची माहिती नोंदवता येते.
Thane Crime: रिक्षाचालकाकडून अपहरणाचा प्रयत्न; शाळकरी मुलीने करकटकाने वाचवला स्वत:चा जीव, ठाण्यातील भयंकर प्रकार
महामुंबईत धावणाऱ्या रिक्षा-टॅक्सीमधून प्रवास करणाऱ्या प्रवाशांकडून वस्तू हरवल्याच्या अनेक तक्रारी प्रादेशिक परिवहन कार्यालयात (आरटीओ) प्राप्त होतात. अनेकदा जागरूक प्रवासी रिक्षा-टॅक्सीचा क्रमांक लक्षात ठेवून हरवलेल्या गोष्टींचा शोध घेण्याचा प्रयत्न करतात. काही रिक्षा-टॅक्सी चालक स्वत:हून हरवलेल्या वस्तू संबंधित प्रवाशाला परत देतात. आता परिवहन आयुक्तालयाकडून स्वतंत्र व्यवस्था तयार करण्यात आली आहे. अंधेरी आरटीओ मध्ये याचे केंद्रीय कार्यालय सुरू करण्यात आले असून ते २४ तास सुरू राहणार आहे. प्रवाशांना सहज लक्षात राहावा आणि विविध क्रमांकांमुळे संभाव्य गोंधळ टाळण्यासाठी एकच क्रमांक कार्यान्वित करण्यात आला आहे, असे अपर परिवहन आयुक्त भरत कळसकर यांनी सांगितले.
खंडाळा घाटात भीषण अपघात; ट्रकमधील पाइप वाहनांवर पडून दोघींचा मृत्यू, पाच गंभीर जखमी
मुंबई मध्य, पश्चिम, पूर्व, बोरिवली, ठाणे, कल्याण, नवी मुंबई, वसई, पनवेल अशा सर्व आरटीओंच्या हद्दीत धावणाऱ्या रिक्षा-टॅक्सींसाठी हा टोल फ्री क्रमांक असेल. हरवलेल्या वस्तूंची तक्रार नोंदवणे आणि रिक्षा-टॅक्सीचालकांकडून प्राप्त झालेल्या वस्तूंची नोंद ठेवणे आणि खातरजमा करून प्रवाशांना ती वस्तू परत करणे अशा तीन टप्प्यांत ही व्यवस्था काम करणार आहे. यासाठी सहायक मोटार वाहन निरीक्षक आणि दोन वरिष्ठ लिपीक, कनिष्ठ लिपीक अशा कर्मचाऱ्यांची रोटेशन पद्धतीनुसार नियुक्ती करण्यात आली आहे.

वाहतूक यंत्रणा आणि गहाळ गोष्टींची तक्रार करण्यासाठी संपर्क क्रमांक
मध्य रेल्वे/पश्चिम रेल्वे – १३९, १५१२ (रेल्वे पोलिस)
बेस्ट – १८०० २२ ७५५०
एसटी महामंडळ – १८०० २२ १२५०
रिक्षा-टॅक्सी – १८०० २२०११०
मोनो रेल – १८०० ८८९ ०५०५
मेट्रो-१ – ९९३०३१०९००
अॅप आधारित प्रवासी वाहतूक – संबंधित कंपनी मोबाइल अॅपमध्ये सुविधा