स्विमिंग पूलमध्ये हृदयविकाराचा तीव्र झटका

जयंत कावरे हे अत्रे लेआऊट परिसरात राहत होते. ते दररोज सकाळी नियमित व्यायाम व आरोग्यासाठी अंबाझरी येथील एनआयटी (NIT) स्विमिंग पूलमध्ये पोहायला जात असत. शुक्रवारीही ते नेहमीप्रमाणे सकाळी पूलवर पोहचले. मात्र, पाण्यात उतरल्यावर काही क्षणातच त्यांची प्रकृती अचानक खालावली. त्यांना चक्कर येऊन ते तिथेच पाण्यात कोसळले. त्यावेळी स्विमिंगपूलमध्ये पाणी केवळ गुडघ्यापर्यंत असल्याने काही जणांनी तातडीने धाव घेतली व त्यांना पाण्यातून बाहेर काढले. स्विमिंगपूल व्यवस्थापनातील कर्मचारी आणि उपस्थित नागरिकांनी जयंत कावरे यांना तात्काळ जवळच्याच एका खासगी रुग्णालयात दाखल केले. मात्र डॉक्टरांनी तपासून त्यांना मृत घोषित केले. प्राथमिक वैद्यकीय तपासणीत डॉक्टरांनी हृदयविकाराच्या झटक्यामुळे मृत्यू झाल्याचे सांगितले.
समुपदेशनाच्या नावाने बोलावलं, ड्रिंक देत तरुणीवर अत्याचार, आरोपीला ७ दिवसांची कोठडी; कोलकातामध्ये खळबळ
दरम्यान, घटनेची माहिती मिळताच बजाज नगर पोलीस ठाण्याचे कर्मचारी घटनास्थळी पोहोचले. त्यांनी आवश्यक पंचनामा केला व आकस्मिक मृत्यूची नोंद केली आहे. पुढील तपास सुरु असल्याचे पोलिसांनी सांगितले. आरोग्याच्या दृष्टीने नियमित व्यायामाचे महत्त्व लक्षात घेता, अशा दुर्घटना काळजाला चटका लावणाऱ्या आहेत. या दुर्दैवी घटनेने नागपूरकरांमध्ये हळहळ व्यक्त होत आहे.

आरोग्याच्या दृष्टीने नियमित व्यायामाचे महत्त्व निर्विवाद असले तरी, अशा अपघाताने नागरिकांमध्ये काळजीचं वातावरण निर्माण झालं आहे. हृदयविकाराचा धोका कधीही येऊ शकतो, याची जाणीव ही घटना करून देते, असे मत आरोग्य तज्ज्ञांनी व्यक्त केले. या घटनेने नागपूरकरांमध्ये हळहळ व्यक्त होत असून, हृदयविकारासारख्या गंभीर आजारांबाबत अधिक जनजागृती आणि तपासण्या वेळच्या वेळी करण्याची गरज तज्ज्ञांनी व्यक्त केली आहे.