लातूर शहरातील प्रभाग क्रमांक १८ मधील रस्त्याच्या भूमिपूजनावरून….काँग्रेस आणि भाजप कार्यकर्त्यांमध्ये जोरदार गोंधळ उडाला. आमदार अमित देशमुख यांच्या हस्ते विकास कामाचं भूमिपूजन होणार…असताना भाजपाच्या कार्यकर्त्यांनी त्याला कडाडून विरोध केला. महानगरपालिकेची एनओसी नसताना काँग्रेस दिशाभूल करत…असल्याचा आरोप भाजप अध्यक्ष अजित पाटील कव्हेकर यांनी केला.यावेळी काँग्रेस कार्यकर्ते ढोल-ताशांसह जल्लोष करत होते.तर भाजप कार्यकर्ते फलक झळकवून घोषणा देत निषेध करत होते. या दरम्यान दोन्ही गट आमने-सामने आले आणि भाजप कार्यकर्त्यांना…काँग्रेस कार्यकर्त्यांनी चोप दिल्याचा प्रकार घडला. घटनास्थळी मोठा पोलीस बंदोबस्त असूनही काही काळ तणाव निर्माण झाला. अखेर गोंधळातच भूमिपूजन पार पडलं, तर भाजपाचं निषेध आंदोलन सुरूच होतं.