आमदार अभिजीत पाटील चेअरमन असणाऱ्या विठ्ठल सहकारी कारखान्याच्या कामगारांच्या लढ्यासाठी किरण घोडके गेले काही दिवस लढत होते. याच दरम्यान आपण कारखान्याची बदनामी करत नाही त्या बदल्यात 1 कोटी रुपयांच्या खंडणीची मागणी किरण घोडके याने केली असल्याची माहिती पुढे आली. यानंतर किरण घोडके याने 10 लाख रुपये खंडणी घेताना पोलिसांनी त्याला ताब्यात घेतलं आहे. घोडके याची पोलीस सध्या कसून चौकशी करत आहेत.
Nanded News : मोफत धान्य देण्याच्या नावाखाली गरिबांची लूट, १४ हजार लोकांची फसवणूक; अखेर दोन वर्षांनी आरोपी अटकेत
गेल्या काही दिवसांपूर्वी पुणे येथील साखर आयुक्त कार्यालयासमोर विठ्ठल कारखान्याच्या कामगारांचं आंदोलन सुरू होतं. यामध्ये किरण घोडके वारंवार कामगारांच्या बाजूने लढत होते. अशा स्थितीत किरण घोडके हे कामगारांचे अघोषित नेते ठरले. आणि याच किरण घोडके याला 10 लाखांची खंडणी घेताना पोलिसांनी ताब्यात घेतलं आहे.
Hingoli News : दत्तगुरुंच्या भेटीची आस, पण नियतीच्या मनात काही वेगळंच; गाणगापुरात महिलांसोबत अनर्थ घडला
दरम्यान, काही दिवसांपूर्वी कारखान्यातील निवृत्त कर्मचाऱ्यांनीही आंदोलन केलं होतं. माढा तालुक्याचे आमदार अभिजीत पाटील यांच्या विरोधात कारखान्यातील निवृत्त कर्मचारी आणि व्यापारी आक्रमक झाले होते. त्यांनी पुण्यातील साखर आयुक्तालयासमोर उपोषण केलं. अभिजीत पाटील आणि कारखान्याच्या संचालक मंडळाने 347 कोटी रुपयांचा घोटाळा केल्याचा आरोप त्यांनी केला होता.

आमदार अभिजीत पाटील यांचा विठ्ठल सहकारी साखर कारखाना

आमदार अभिजीत पाटील हे विठ्ठल सहकारी साखर कारखान्याचे अध्यक्ष आहेत. त्यांच्या कारखान्यावर जप्ती आणली जाणार होती. मात्र ती टाळली गेली. विठ्ठल सहकारी साखर कारखाना माढा तालुक्यात आहे. आमदार अभिजीत पाटील हे या कारखान्याचे सर्वेसर्वा आहेत. त्यांनी तीन वर्षांपूर्वी हा बंद पडलेला कारखाना पुन्हा सुरू केला. 2024 च्या लोकसभा निवडणुकीच्या वेळी, महाराष्ट्र स्टेट को-ऑपरेटिव्ह बँकेच्या अधिकाऱ्यांनी विठ्ठल कारखान्याची 3 गोदामं सील केली होती. त्यानंतर, अभिजीत पाटील यांनी देवेंद्र फडणवीस यांची भेट घेतली आणि लोकसभा निवडणुकीत भाजपला पाठिंबा दिला. ते फडणवीसांचे जवळचे मानले जातात. यानंतर, विधानसभा निवडणुकीत त्यांनी शरद पवार यांच्या राष्ट्रवादी काँग्रेसकडून माढा विधानसभेसाठी तिकीट मिळवलं आणि अपक्ष उमेदवार रणजितसिंह शिंदे यांचा पराभव केला.