लोकसभा निवडणुकीत महाराष्ट्रात महाविकास आघाडीला चांगले यश मिळाले. मात्र, जळगाव जिल्ह्यातील दोन्ही जागांवर महायुतीतील भाजपचेच दोन्ही उमेदवार निवडून आले. त्यापाठोपाठ झालेल्या विधानसभा निवडणुकीतदेखील जळगाव आघाडीतील एकाही पक्षाचा उमेदवार निवडून न आल्याने या पराभवाने काँग्रेस, शिवसेना उबाठा व राष्ट्रवादी शरद पवार गटातील पदाधिकारी व कार्यकर्त्यांचे मनोबल खचले आहे. त्यामुळे महाविकास आघाडीतील या पक्षांमधील माजी आमदारांसह अनेक प्रमुख पदाधिकाऱ्यांनी सत्ताधारी महायुतीमधील पक्षांची वाट धरली.

आगामी निवडणुकांच्या पार्श्वभूमीवर महायुतीनेदेखील विरोधकांमधील या नेत्यांसाठी पायघड्या घातल्याने मागील काही महिन्यांत जळगाव जिल्ह्यातील महाविकास आघाडीच्या पाच माजी आमदार महायुतीत डेरेदाखल झाले.
Maharashtra Politics : तुम्ही निष्ठावंत; एक गोष्ट विचारु? ‘मातोश्री’ बैठकीत उद्धव ठाकरेंचा प्रश्न, माजी नगरसेवकांची कळी खुलली

विरोधात राहून कार्यकर्त्यांची कामे पूर्ण होत नसल्याचे सांगत हे नेते सत्ताधारी पक्षात जात आहेत. सद्य:स्थितीत सत्ताधारी पक्षात सुरू असलेल्या पक्षप्रवेशांचा ओघ पाहता, आगामी स्थानिक स्वराज्य संस्थांच्या निवडणुका महाविकास आघाडीतील शिवसेना उद्धव बाळासाहेब ठाकरे, राष्ट्रवादी शरदचंद्र पवार गट व काँग्रेस या पक्षासाठी परीक्षा पाहणाऱ्या ठरण्याची शक्यता आहे.
Jagdish Gupta : भाजपकडून निलंबन, मुंबईत माजी मंत्र्याचा शिवसेना प्रवेश, महापालिकेच्या तोंडावर मोठा उलटफेर

सत्ताधारी पक्षात गेलेले माजी आमदार व नेते

नेते – सोडलेला पक्ष – प्रवेश झालेला पक्ष
गुलाबराव देवकर – राष्ट्रवादी शरद पवार गट – राष्ट्रवादी अजित पवार गट
डॉ. सतीश पाटील – राष्ट्रवादी शरद पवार गट – राष्ट्रवादी अजित पवार गट
कैलास पाटील – राष्ट्रवादी शरद पवार गट – राष्ट्रवादी अजित पवार गट
दिलीप सोनवणे – राष्ट्रवादी शरद पवार गट – राष्ट्रवादी अजित पवार गट
दिलीप वाघ – राष्ट्रवादी शरद पवार गट – भाजप
डॉ. अनिल शिंदे – काँग्रेस – भाजप
विष्ण भंगाळे (जिल्हाप्रमुख) -उद्धव सेना – शिंदेसेना