साताऱ्यातील सदर बझारमध्ये लक्ष्मी टेकडी परिसरात शिंगे कुटुंब राहते. हे कुटुंब मूळ कर्नाटकचे असून कामानिमित्त ते साताऱ्यात स्थायिक झाले आहे. मातम्मा सोमवारी मैत्रिणींसोबत कास परिसरात फिरायला गेली होती. फिरून आल्यानंतर तिने मोबाईलवर काही फोटो स्टेटसला ठेवली होती. मात्र, आपण मैत्रिणींसोबत बाहेर फिरायला जात असल्याचे तिने घरी कोणालाही सांगितले नव्हते. मात्र, तिने ठेवलेल्या स्टेटसबद्दल तिच्या भावाला समजले. यानंतर भावाने थेट तिला याबद्दव विचारणा केली.
धक्कादायक! साताऱ्यात 22 वर्षीय कॉलेज तरुणीचा संशयास्पद मृत्यू, वडील मोठी आसामी?भावाने विषारी खडू खाऊन आत्महत्या करण्याचा केला प्रयत्न

घरात न सांगता गेलीस आणि स्टेटसला फोटो ठेवले म्हणून भाऊ तिच्यावर रागावला. भाऊ रागावल्याने मातम्माला खूप जास्त वाईट वाटले. तिने घरातले विषारी औषध घेतले. मातम्मा हिने औषध घेतल्याचे कळताच कुटुंबियांनी तिला लगेचच रूग्णालयात दाखल केले. मात्र, उपचारादरम्यान तिचा मृत्यू झाला. बहिणीने विष घेतल्याचे कळताच दुसरीकडे भावाने देखील विषारी खडू खाऊन आत्महत्या करण्याचा प्रयत्न केला.

मुलीची आत्महत्या मुलगा रूग्णालयात कुटुंबावर दु:खाचा डोंगर

भावाने विषारी खडू खाल्ल्याचे कळताच त्याला सरकारी रूग्णालयात दाखल करण्यात आले. त्याची प्रकृती स्थिर असल्याची माहिती मिळतंय. सातारा शहर पोलीस या प्रकरणाची चौकशी करत आहेत. पोलीस उपनिरीक्षक अनिल जायपत्रे अधिक तपास करत आहेत. मोबाईल आणि सोशल मीडियामुळे कुटुंबांमध्ये वाद वाढत आहेत. भावाने रागावल्याने तरूणीने टोकाचे पाऊल उचलले आहे. या घटनेने परिसरात मोठी खळबळ उडाल्याचे बघायला मिळत आहे.