Dahi Handi 2025: गोविंदांना विम्याचे सुरक्षा कवच देण्याचा निर्णय वसई विरार महापालिकेने यंदाही घेतला आहे. हे विमा कवच मोफत असणार असून दहीहंडी उत्सवामध्ये सहभागी होणाऱ्या वसई-विरारमधील गोविंदांसाठी महापालिकेकडून नोंदणी सुरू करण्यात आली आहे.
म. टा. वृत्तसेवा, वसई : दहीहंडी उत्सवामधील जोखीम व धोका लक्षात घेऊन गोविंदांना विम्याचे सुरक्षा कवच देण्याचा निर्णय वसई विरार महापालिकेने यंदाही घेतला आहे. हे विमा कवच मोफत असणार असून दहीहंडी उत्सवामध्ये सहभागी होणाऱ्या वसई-विरारमधील गोविंदांसाठी महापालिकेकडून नोंदणी सुरू करण्यात आली आहे. त्यामुळे या अपघाती विमा योजनेचा गोविंदांनी लाभ घ्यावा, असे आवाहन पालिकेच्या माध्यमातून करण्यात आले आहे.
श्रावण महिना जवळ येऊ लागताच दरवर्षीप्रमाणे यंदादेखील विविध गोविंदा पथके दहीहंडी साजरी करण्यासाठी सज्ज झाली आहेत. दहीहंडीचा उत्साह मोठा असला तरी हा साहसी खेळ असल्याने त्यात जोखीमही तितकीच आहे. अशावेळी ‘विमा कवच’ असल्यास या गोविंदांना मोठा दिलासा मिळतो. हीच गरज लक्षात घेऊन वसई-विरार महापालिकेतर्फे दरवर्षीप्रमाणे यंदाही हा साहसी खेळ असल्याने त्यात जोखीमही तितकीच आहे. अशावेळी ‘विमा कवच’ असल्यास या गोविंदांना मोठा दिलासा मिळतो.
केसांची क्लिप, चाकूने फलाटावरच महिलेची प्रसूती! लष्करातील डॉक्टर बनले देवदूत, झाशी रेल्वे स्टेशनवर बाळाचा जन्म
हीच गरज लक्षात घेऊन वसई-विरार महापालिकेतर्फे दरवर्षीप्रमाणे यंदाही झाल्यास त्याचे महापालिका रुग्णालयामार्फत मोफत उपचार करण्यात येतील. त्यामुळे महानगरपालिका हद्दीतील सर्व गोविंदा पथकांनी महानगरपालिकेशी संपर्क साधून पथकात समाविष्ट गोपाळांचा विमा काढून या योजनेचा लाभ घ्यावा, असे आवाहन महानगरपालिकेतर्फे करण्यात आले आहे. या बैठकीस खासदार डॉ हेमंत सवरा, पालिका आयुक्त अनिलकुमार पवार, माजी महापौर राजीव पाटील, अतिरिक्त आयुक्त संजय हेरवाडे, पोलिस उपायुक्त पौर्णिमा चौगुले, महाराष्ट्र राज्य दहीहंडी असोसिएशनच्या सचिव गीता झगडे यांसह इतर मान्यवर उपस्थित होते.
दुर्दैवी! ‘तू घरी जा, मी नंतर येतो!’ पत्नीला घरी पाठवलं; पण काळाने शेतमजुराची वाट अडवली, रस्त्यात नको ते घडलं
गोविंदा समितीच्या बैठकीत सूचनांचा वर्षाव
दहीहंडी आयोजकांनी मॅट, पाण्याची व्यवस्था, स्पर्धेसाठी योग्य व मुबलक जागा, रहदारीच्या ठिकाणी आयोजन टाळणे, पार्किंगची सुविधा, वेळेचे बंधन पाळणे, उत्सवाच्या ठिकाणी शक्य असल्यास सीसीटीव्ही ठेवावेत आणि विविध स्थानिक प्राधिकरणाच्या परवानग्या घेणे आणि आवश्यक ती व्यवस्था करण्याच्या सूचना बैठकीत देण्यात आल्या. तर गोविंदा पथकांनी सर्वांत उंच थरावरील गोविंदाला हेल्मेट घालणे, १४ वर्षांखालील गोविंदांना प्रवेश नाही, उत्सवात गोविदांना अपघात झाल्यास तात्काळ वैद्यकीय उपचार मिळण्यासाठी उत्सवाच्या ठिकाणाहून सर्वात जवळ असलेल्या रुग्णालयाची विशेषतः अस्थीरोगतज्ज्ञ डॉक्टरांच्या रुग्णालयांची माहिती करून ठेवण्याचे व यात डॉक्टर असोसिएशनची मदत घेणे, असे आवाहन खासदार सवरा यांनी यावेळी केले.
Pune Crime: अंगापेक्षा बोंगा जड! चोरी तर केली, पण वजन तोलवेना; रस्त्यात तिजोरी फेकून चोराने ठोकली धूम
एक खिडकी योजना
लवकरच दहीहंडी उत्सवात वसई, विरारमधील अनेक गोविंदा पथके सहभागी होतात. त्यांना एकाच ठिकाणी विविध शासकीय विभागांच्या परवानग्या मिळाव्यात यासाठी महानगरपालिकेमार्फत लवकरच ‘एक खिडकी योजना’ सुरू करण्यात येणार असल्याचे पालिकेने सांगितले. ऑनलाइन प्रणालीद्वारे या परवानग्या विनामूल्य देण्यात येतील, असे यावेळी पालिका आयुक्तांनी सांगितले.
मागील वर्षी ६ हजार गोविंदा
मागील वर्षीदेखील महापालिकेने गोविंदांना विमा संरक्षण दिले होते. महानगरपालिकेत नोंदणी केलेल्या सुमारे ९९ गोविंदा पथकांना महानगरपालिकेने मे.दि ओरिएंटल इन्शुरन्स कंपनी लि. मार्फत विमा संरक्षण काढून दिले होते. यामध्ये ९९ गोविंदा पथकांमध्ये एकूण ६ हजार गोविंदांचा समावेश होता. यंदाही गोविंदांचा हा आकडा पार होण्याची शक्यता आहे.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा