याबाबत पोलिसांनी दिलेल्या माहितीनुसार, शुक्रवारी रात्री ७ वाजेच्या सुमारास अदनान रस्त्यावर खेळत होता. खेळताखेळता तो समोरून येणाऱ्या रिक्षाच्या (क्र. एमएच १५, एफयू ०२२८) चाकाखाली सापडला. आईसमोरच ही घटना घडल्याने तिने टाहो फोडल्याने आजूबाजूच्या लोकांनी धाव घेतली. यानंतर बालकाला ताबडतोब जिल्हा शासकीय रुग्णालयात दाखल करण्यात आले. मात्र, डॉक्टरांनी तपासून त्याला मृत घोषित केले.
Ashadhi Ekadashi 2025: अवघे गर्जे पंढरपूर…! भूवैकुंठ पंढरीत १५ लाखांहून अधिक वैष्णवांची मांदियाळी
याप्रकरणी मृत बालकाचे वडील फिरोज शेख यांनी दिलेल्या फिर्यादीवरून रिक्षाचालक अखिलेश लक्किसन यादव (वय ४४, रा. केवळ पार्क, अंबड) याच्याविरोधात अंबड पोलिस ठाण्यात गुन्हा दाखल करण्यात आला. बालकाचे वडील फिरोज शेख हमाली करून कुटुंबाचा उदरनिर्वाह करतात. आई गृहिणी असून, अदनान याला पाच वर्षांचा मोठा भाऊ आहे. अदनानच्या मृत्यूमुळे कुटुंबावर मोठा आघात झाला. या हृदयद्रावक घटनेमुळे परिसरात हळहळ व्यक्त करण्यात येत आहे.
Sunil Tatkare: घोडा मैदान जवळ, निवडणुकीत ताकद कोणाची ते दिसेलच; सुनील तटकरेंचा ठाकरे बंधूंना टोला
भरधाव कारने चिरडल्याने मायलेकासह तिघे जखमी
कारचालक ताब्यात; सहप्रवासी पसार
नाशिक : सातपूर-त्र्यंबकेश्वर रस्त्यावर आयटीआय सिग्नल परिसरात भरधाव वेगाने जाणाऱ्या कारच्या धडकेत तिघे गंभीर जखमी होण्यासह टपरीचेही नुकसान झाले. जखमी झालेल्यांत मायलेकासह अन्य तरुणाचा समावेश आहे. तिघांवर खासगी रुग्णालयात उपचार सुरू असून, पोलिसांनी संशयित कारसह चालकाला ताब्यात घेतले आहे. कार चालकासोबतचे प्रवासी पसार झाले असून, कार चालक मद्यधुंद असल्याचा संशय आहे. त्यानुसार सातपूर पोलिस पुढील तपास करीत आहेत.