मराठीच्या मुद्द्यावरून राज ठाकरे आणि उद्धव ठाकरेंच्या एकत्रीकरणाच्या पावलामुळे मनसैनिक आणि शिवसैनिकांच्या आशा आता उंचावल्या आहेत. विधानसभा निवडणुकीतील पराभवानंतर शिवसेना ठाकरे गटातून मोठ्या नेत्यांचे आऊटगोइंग सुरू आहे. त्यामुळे ठाकरेंच्या शिवसेनेला गळती लागली आहे. महापालिकेतून मनसेची सत्ता गेल्यानंतर मनसेलाही गळती लागली आहे. त्यामुळे दोन्ही पक्षांनी एकत्र यावे अशी मनसे आणि शिवसेनेच्या कार्यकर्त्यांची इच्छा आहे.

दोन्ही ठाकरे बंधू एकत्र आल्यास राज्यात सक्षम विरोधी पक्ष उभा राहिल, अशी सर्वांना अपेक्षा आहे. त्यातच राज्य सरकारने हिंदीसक्तीचा जीआर काढल्यामुळे दोन्ही ठाकरे बंधू त्याविरोधात एकत्र आले होते. यामुळे ठाकरे बंधूंच्या मनोमिलनाच्या चर्चा सुरू झाल्या आहेत. ठाकरे बंधूंच्या आंदोलनाच्या इशाऱ्यानंतर पहिलीपासून हिंदीसक्तीचा निर्णय राज्यातील महायुती सरकारला मागे घ्यावा लागला आहे.
Sandeep Deshpande : मेहता बिहतांनी चड्डीत राहायचं, संदीप देशपांडेंचा इशारा, महाराष्ट्रात मराठीचा अपमान कराल तर कानाखालीच…
या यशाबद्दल शिवसेना (उबाठा), मनसेने मुंबईत वरळी येथील राष्ट्रीय क्रीडा संकुलात आज संयुक्त विजयी मेळावा आयोजित केला आहे. या मेळाव्याच्या पूर्वतयारीसाठी मनसेच्या राजगड कार्यालयात शुक्रवारी दोन्ही पक्षांची बैठक पार पडली. याप्रसंगी मनसे प्रदेश सरचिटणीस दिनकर पाटील, शिवसेना उबाठा नेते माजी आमदार वसंत गिते, उपनेते दत्ता गायकवाड, माजी महापौर विनायक पांडे, यतीन वाघ, मनसे प्रदेश उपाध्यक्ष रतनकुमार इचम, जिल्हाध्यक्ष अंकुश पवार, सुदाम कोंबडे, महिला सेना प्रदेश उपाध्यक्ष सुजाता डेरे, मनसे जिल्हा उपाध्यक्ष नामदेव पाटील, संतोष पिल्लेसह दोन्ही पक्षांचे सर्व पदाधिकारी उपस्थित होते.

Mama Rajwade : पाच दिवसांपूर्वी महानगरप्रमुख केलं, त्यांनीच ठाकरेंना ‘मामा’ बनवलं; राजवाडे भाजपच्या वाटेवर
शिवसेना ठाकरे गटाच्या महानगरप्रमुख पदावरून मामा राजवाडे यांची हकालपट्टी केल्यानंतर माजी उपमहापौर प्रथमेश गिते यांची नवीन महानगप्रमुखपदी नियुक्ती करण्यात आली. गिते यांच्या नियुक्तीनंतर मनसेकडून गिते यांचा मनसेच्या कार्यालयात मनसेच्या पदाधिकाऱ्यांकडून सत्कार करण्यात आला. तब्बल 18 वर्षांनंतर पहिल्यादाच उद्धव व राज ठाकरे एका व्यासपीठावर दिसणार असल्याने या मेळाव्यासाठी दोन्ही पक्षांमध्ये स्थानिक पातळीवरही एकी दिसून येत आहे.