याबाबत सविस्तर माहिती अशी की, मुंबई येथील एका कंपनीचे काही अधिकारी कर्मचारी असे चौदा जण 30 जून रोजी ऑफिस पार्टी असल्याने मांडवा येथे आले. अलिबाग तालुक्यातील मुशेत येथे असणाऱ्या अलास्का व्हिला येथे सर्वजण पोहोचले. त्यावेळी पीडित महिलेच्या ऑफिसमधील अधिकारी कर्मचारी यांची पार्टी सुरू होती. त्यावेळी सर्वजण मद्यपान करीत होते. महिना अखेर असल्याने पीडित महिलेच्या बॉसने ऑफिसमधील कर्मचारी यांच्या पगार बिलाचे काम करण्यास सांगितले आणि काम पूर्ण झाल्यानंतर पार्टीमध्ये सहभागी होण्याची सूचना दिली. पीडित महिलेने रात्री साडे आठ वाजता पगार बिलाचे काम संपवून इतर सहकारी यांच्या सोबत पार्टीमध्ये सहभागी झाली.

सदर पार्टीमध्ये पीडित महिलेले सहकारी यांच्यासमवेत मद्यपान केले. मद्यपान जास्त झाल्याने पीडित महिला ही व्हिलामधे असणाऱ्या जलतरण तलाव नजिक झोपली. त्यानंतर पीडित महिलेस तेथून तिच्या सहकाऱ्यांनी उचलुन बेडरूममध्ये नेवून झोपवले. 1 जुलैला पहाटे साडे तीनच्या वाजण्याचा दरम्यान पीडित महिलेस आपल्यावर कोणीतरी जबरदस्ती करीत असल्याची जाणीव झाल्याने पीडित महिलेस जाग आल्याने तिने पाहिले. त्यावेळी पीडित महिलेच्या कंपनीमध्ये कंपनीचा सेल्स एक्झिक्युटिव्ह या पदावर काम करणारा अभिषेक सावडेकर हा रूममधुन बाहेर जाताना दिसला.
Raipur News: वॉश बेसिनमध्ये हात धुतले अन् काहीच वेळात मृत्यू, तरुणासोबत ढाब्यावर भयंकर घडलं
त्यावेळी पीडित महिलेच्या लक्षात आले की, अभिषेक सावडेकर याने पीडित महिला ही दारूच्या नशेत असल्याने त्याचा फायदा घेत तिच्याशी जबरदस्तीने शारिरिक संबंध ठेवले. त्यानंतर पीडित महिलेने रूमच्या बाहेर येवून पाहीले असता तेथे कंपनीमध्ये काम करणारे आयुष ठक्कर आणि जसपाल सिंग हे पीडित महिलेच्या रूमच्या बाहेर होते. त्यावेळी पीडित महिलेने त्यांच्याकडे चौकशी केली असता ते त्यावेळी तेथे नसल्याचे सांगितलं व काय प्रकार झाला हा त्यांना माहिती नसल्याचं सांगितलं. त्यानंतर पीडित महिला आरोपी अभिषेक याच्याकडे चौकशी करण्याकरिता गेले असता तो त्याचं रूम बंद करून झोपला होता.

सकाळी अकरा वाजता तो उठल्यानंतर त्याच्याकडे परत चौकशी केली असता त्याने घाबरून पीडित महिलेची माफी मागितली. या प्रकरणानंतर पिडीत महिला ही विरार येथे निघून गेली होती. याबाबत अलिबाग पोलीस ठाण्यात गुरनं. 116/2025 भारतीय न्याय संहिता 2023 कलम 64 प्रमाणे गुन्हा दाखल करण्यात आला असून अधिक तपास अलिबाग पोलिस ठाण्याचे प्रभारी पोलिस निरीक्षक किशोर साळे यांच्या मार्गदर्शनाखाली महिला सहायक पोलिस निरीक्षक सरिता मुसळे या करीत आहेत.