राज ठाकरे यांच्या विरोधात आक्षेपार्ह पोस्ट

कोथरूड येथील राहणारा केदार सोमण यांनी उद्धव ठाकरे आणि राज ठाकरे यांच्या विरोधात आक्षेपार्ह पोस्ट केली होती. ही पोस्ट समाज माध्यमांवर व्हायरल झाल्यानंतर मनसे प्रवक्ते हेमंत संभूस यांनी सुमन यांचा पत्ता शोधत आज सकाळी थेट त्यांच्या घरावर धडक दिली. सुमन यांच्या घरी मनसे कार्यकर्ते पोहोचल्यानंतर त्यांनी दरवाजा उघडला नाही, त्यानंतर पोलिसांना याची माहिती मिळाली आणि पोलीस कोथरूड येथील इंद्रधनु सोसायटीमध्ये पोहोचले.
Pune Crime : मॅडम कुरिअर तुमचं नसेल, पण सही करा; दार उघडताच स्प्रे मारला, अत्याचार करुन सेल्फी, मेसेज लिहिला ‘मी पुन्हा येईन’पोलिसांनी घेतले केदार सोमण यांना ताब्यात

पोलिसांनी मनसे कार्यकर्त्यांना सोसायटीच्या मुख्य द्वारापासून बाजूला केलं आणि रस्त्यावर घेऊन गेले आणि त्यानंतर केदार सोमण याला पोलिसांनी ताब्यात घेतलं. मात्र, केदार सोमान याला घेऊन जात असताना मनसे कार्यकर्त्यांनी पोलिसांच्या गाडीवर धाव घेत मोठा गोंधळ घातला. केदार सोमण यांनी फेसबुकवर पोस्ट शेअर करत म्हटले की, रात्री हाल्फ खंबा मारून झाल्यावर राज कायम उद्धवला फोन करून म्हणायचा तू मेरा भाई है..(उठा रात्री पण घरीच बसून वाईन प्यायचा, घराबाहेर न पाडण्याचे व्रत, अखंड होते…)

मनसैनिकांनी घातला घराबाहेर मोठा गोंधळ

ही केदार सोमण यांची पोस्ट सोशल मीडियावर व्हायरल होताना दिसली आणि ज्यानंतर एकच गोंधळ उडावा. सोमण यांच्या घरी पोहोचलेल्या मनसैनिकांनी यावेळी शिवीगाळ देखील केला. पोलिसांनी वेळीच हस्तक्षेप केल्याने सोमण यांनी सुरक्षित बाहेर काढण्यात आले. पोलिसांच्या गाडीवरही काही कार्यकर्त्ये धावून आले. उद्धव ठाकरे आणि राज ठाकरे यांच्याबद्दल पोस्ट केल्याने केदार सोमण यांच्या घरी मनसे कार्यकर्त्ये पोहोचले होते.