काय आहे प्रकरण?

पुणे शहरातील कोंढवा भागातील एका उच्चभ्रू सोसायटीमध्ये धक्कादायक प्रकार घडल्याचा आरोप आहे. संबंधित सोसायटीत राहणाऱ्या 25 वर्षीय महिलेच्या तोंडावर स्प्रे मारुन तिच्यावर बलात्कार करण्यात आल्याची माहिती समोर येत आहे. धक्कादायक म्हणजे या घटनेनंतर आरोपीने तिच्याच मोबाईलमध्ये सेल्फीही काढला आणि ‘परत येईन’ असे टाईप करुन ठेवले. बुधवारी रात्री साडे सात वाजताच्या सुमारास हा प्रकार घडल्याची माहिती आहे.

आरोपीने कुरिअर बॉय असल्याचे सांगत सोसायटीमध्ये प्रवेश मिळवला होता. महिलेने कुरिअर माझे नाही असे सांगितले, तरीही सही करावी लागेल, असे आरोपीने सांगितले. त्यामुळे तिने सेफ्टी डोअर उघडला. त्यानंतर आरोपीने तिच्या तोंडावर स्प्रे मारुन बलात्कार केल्याचा आरोप आहे.
Mumbai News : ती रात्र आठवूनही धस्स, नातवाने कचऱ्यात फेकलेल्या आजीची व्यथा; त्याला काही करु नका, नाहीतर…

इन्स्टाग्राम’वरीलओळखीतून छळ

दुसरीकडे, ‘इन्स्टाग्राम’वर ओळख वाढवून लैंगिक छळ केल्याच्या पुण्याच्या दोन प्रकरणांमध्ये आरोपींविरुद्ध भारती विद्यापीठ आणि खराडी पोलिसांत गुन्हे दाखल करण्यात आले आहेत. एका प्रकरणात तक्रारदार 37 वर्षीय विवाहितेशी आरोपी तरुणाने इन्स्टाग्रामवर ओळख करुन मैत्री वाढवली होती. त्यानंतर ‘व्हिडीओ कॉल’वर नग्न होण्यास भाग पाडलं. याचे स्क्रीनशॉट काढून त्याने तक्रारदार महिलेचा मुलगा, भाऊ आणि काही ओळखीच्या व्यक्तींना व्हॉट्सॲपवर शेअर केल्याचा आरोप आहे.

Palghar News : चक्कर येऊन पडताच शाळेने घरी पाठवलं, 11 वर्षांच्या वेदिकाचा मृत्यू, मुख्याध्यापक म्हणतात गडबडीत हॉस्पिटलला न्यायचं सुचलंच नाही
दुसऱ्या प्रकरणात 19 वर्षीय पीडित तरुणीच्या तक्रारीनुसार, आरोपीने ‘इन्स्टाग्राम’वर ओळख वाढवली. भेटण्याच्या बहाण्याने तिला बोलावलं. त्यानंतर लग्नाचे आमिष दाखवून तिच्यासोबत शारीरिक संबंध प्रस्थापित केले आणि काही फोटोही काढल्याचा आरोप आहे.