शेतीच्या मशागतीचा खर्च परवडेना म्हणून एका ६५ वृद्ध शेतकऱ्याने स्वतःच औताला…जुंपून शेतात मशागत केल्याचा व्हिडिओ सोशल मीडियावर व्हायरल झाला होता. हा काबाडकष्ट करणारा शेतकरी लातूर जिल्ह्यातील हाडोळती गावातील रहिवासी आहे. अंबादास पवार व मुक्ताबाई पवार असं या शेतकरी दाम्पत्याचं नाव आहे. आज या दाम्पत्याशी राज्याचे कृषिमंत्री माणिकराव कोकाटे यांनी संवाद साधला. काय स्वरूपाची अडचण आहे अशी विचारणा करत संबंधित शेतकऱ्याला…शासनाकडून सर्वतोपरी मदत करण्यात येईल असे आश्वासन दिले आहे.त्यांच्यावर लातूर जिल्हा मध्यवर्ती सहकारी बँकेचे चाळीस हजार रुपये कर्ज आहे. ते प्रशासनाने तात्काळ माफ करावे, यासोबतच राज्यातील अनेक शेतकऱ्यांची कर्जमाफी व्हावी…अशी अपेक्षा या दाम्पत्याने बोलताना व्यक्त केली आहे.