रमेश चेन्नीथला नेमकं काय म्हणाले?

“राज ठाकरे यांची भूमिका ही आम्हाला अजिबात मान्य नाही. आम्ही त्यांच्या भूमिकेशी सहमत नाही. उत्तर भारत आणि दक्षिण भारत असं काही नाही. भारत एक आहे. उत्तर भारतीयांना काँग्रेस पक्षाने खूप मजबूत केलं आहे. खूप संधी देखील दिल्या आहेत. काँग्रेस आपल्या विचारधारांना घेऊन चालणार पक्ष आहे, अशी भूमिका रमेश चेन्नीथला यांनी मांडली आहे.राज ठाकरे जर उद्धव ठाकरेंसोबत आले तर? असा प्रश्न पत्रकारांनी रमेश चेन्नीथला यांना विचारला. त्यावर त्यांनी तेव्हाचं तेव्हा पाहू. अजून काही निश्चित नाही की ते दोन्ही एकत्र येतील, अशी प्रतिक्रिया रमेश चेन्नीथला यांनी दिली.

मुंबई महापालिकेची निवडणुकीत स्वबळावर लढायचं की एकत्र लढायचं याबाबत 7 तारखेला मुंबईत पक्षाची बैठक बोलावण्यात आली आहे. या बैठकीत निर्णय घेण्यात येईल, अशी प्रतिक्रिया रमेश चेन्नीथला यांनी दिली. “प्रत्येक कार्यकर्त्याला स्वतंत्र निवडणूक लढावं, असं वाटतं. कारण ही स्थानिक पातळीवरची निवडणूक आहे”, असंदेखील रमेश चेन्नीथला म्हणाले.