‘एअर इंडिया एक्स्प्रेस’च्या ‘आय एक्स 1097’ विमानाने शनिवारी दुपारी चार वाजता भुवनेश्वर येथून पुण्यासाठी उड्डाण केले. पुणे विमानतळापर्यंत आल्यानंतर वैमानिकाला धावपट्टीवर कुत्रा असल्याचे आढळून आले. त्यामुळे विमानाला परिसरातच हवेत घिरट्या माराव्या लागल्या. पुणे विमानतळाच्या धावपट्टीवरून कुत्र्याला हटवेपर्यंत विमान हवेतच होते. कुत्र्याला सुरक्षितपणे धावपट्टीवरून हटवल्यानंतरच विमानाला उतरण्याची परवानगी देण्यात आली आणि त्यानंतर विमान सुरक्षित उतरले; पण या प्रकाराची माहिती मिळाल्यानंतर प्रवासी घाबरले होते.

पुणे विमानतळावर दिल्लीहून येणाऱ्या विमानाच्या इंजिनाला पक्षी धडकल्याची घटना काही दिवसांपूर्वी घडली होती; तसेच धावपट्टी परिसरात पक्ष्यांचा वावर असल्याचे आढळल्यामुळे उड्डाणे थांबविण्यात आल्याच्या घटना घडल्या आहेत. काही दिवसांपूर्वी थेट बिबट्याच धावपट्टीच्या परिसरात दिसला होता. त्यामुळे सुरक्षेबाबत गंभीर प्रश्न निर्माण झाला आहे; पण विमानतळ प्रशासन गांभीर्याने पाहण्यास तयार नसल्याचे दिसत आहे.
Pune Crime : दिव्य शक्तीच्या नावाखाली अश्लील कृत्य करण्यास भाग पाडलं, बिल्डरची तक्रार, पुण्यात भोंदूबाबावर गुन्हा
हवाईतज्ज्ञ धैर्यशील वंडेकर यांनी सांगितले, ‘पुणे विमानतळावरील धावपट्टीची सुरक्षितता निश्चित करण्यासाठी आणि कोणत्याही संभाव्य अपघाताला टाळण्यासाठी हवाई दलाने पूर्वतयारी करणे गरजेचे आहे. धावपट्टीवर कुत्रा येणे अथवा पक्षी फिरणे विमानाला अडथळा निर्माण होऊ शकतो. पुणे विमानतळाभोवती वाढत असलेल्या दाट वस्तीचा विमानांच्या संचालनावर भविष्यात कुठला परिणाम होऊ शकतो, त्यावर सुरक्षित हवाई वाहतुकीसाठी काय उपाययोजना करावयास हव्यात याचादेखील वेळीच विचार होणे गरजेचे आहे.’

Pune Accident : सिंहगड रोडवर भरधाव ट्रकची धडक, कॉलेजला जाताना सई भागवतचा हृदयद्रावक अंत, पुण्यात हळहळ
दुसरीकडे, पुण्याहून हैदराबादला जाणारे ‘इंडिगो’चे विमान रविवारी सकाळी हवाई वाहतूक कोंडीमुळे वळविण्याची वेळ आली. विमान विजयवाडा विमानतळाकडे वळवल्याने प्रवाशांना त्रास सहन करावा लागला. पुण्याहून सकाळी आठ वाजून 43 मिनिटांनी विमानाने हैदराबादसाठी उड्डाण केले होते; पण हैदराबाद विमानतळाजवळ हवाई वाहतूक कोंडी झाल्याचे निदर्शनास आल्यानंतर ते विजयवाड्याकडे वळवले.