नामदेव मारकड हे संत ज्ञानेश्वर माऊलींच्या पालखीसोबत आळंदीहून पायी पंढरपूरकडे पायी वारीने चालत निघाले होते. ते फलटण येथील निंबाळकर वस्तीत विसाव्याला थांबले. त्यावेळी त्यांना हृदयविकाराचा धक्का बसून त्यांचा मृत्यू झाला.

याबाबत माहिती अशी की, लाखो वैष्णव भक्तांना पंढरीच्या पांडुरंगाच्या भेटीची ओढ लागली आहे. लोको वैष्णव भक्त ज्ञानोबा तुकारामचा गजर करत पंढरीकडे मार्गस्थ होत आहे. शनिवारी संत ज्ञानेश्वर महाराज यांची यांचा पालखी सोहळा फलटणी येथे मुक्कामी होता. मुखी माऊलींचा गजर करत वारकऱ्यांची पाऊले पंढरपूरच्या दिशेने पडत आहेत. मजल दरमजल करत वारकरी विठुरायाच्या दर्शनाच्या ओढणी मार्गक्रमण करीत आहे. ठिकाणी विसावा घेत जेवण करत पुढे चालला आहे.

त्यातच शनिवारी इंदापूर तालुक्यातील एक वारकरी फलटण तालुक्यातील निंबाळकर वस्तीवर विसाव्यासाठी थांबला. मात्र, अचानक वृद्ध वारकऱ्याला हृदयविकाराचा झटका येऊन मृत्यू झाला. यावेळी वस्ती व उपस्थित वारकऱ्यांच्या लक्षात येतात त्यांनी त्यांना उपचारासाठी वारकऱ्यांच्या सेवा केंद्रावरती नेले मात्र ते मृत्यू झाला होते. त्यांच्या मृत्यूने वारकऱ्यांमध्ये हळहळ व्यक्त होत आहे. नामदेव किसन मारकड असे वारकऱ्याचे नाव असून ते इंदापूर तालुक्यातील न्हावी येथील राहणारे होते. ते संत ज्ञानेश्वर माऊलींच्या पालखीसोबत आळंदीपासून पायी फलटणपर्यंत आले होते.

विसाव्यासाठी फलटण येथील निंबाळकर वस्तीत थांबले होते. त्याचवेळी हे दुर्दैवी घटना घडली. शासकीय रुग्णालयात तपासणी केल्यानंतर वारकऱ्याचा मृतदेह शासनाने रुग्णवाहिकेतून न्हावी या मूळ गावाकडे रवाना पाठवण्यात आला. वारकरी नामदेव मारकड यांच्या मृत्यूने कुटुंबावर दुःखाचा डोंगर कोसळला आहे. मारकड यांच्या मृत्यूने इंदापूर तालुक्यातील न्हावी परिसरातही शोककळा पसरली
आहे.