मराठी भाषा केंद्रातर्फे पुकारण्यात आलेल्या या आंदोलनात शिवसेना (उबाठा) पक्षाचे प्रमुख उद्धव ठाकरे यांच्यासह अन्य राजकीय पक्षांचे प्रतिनिधी उपस्थित राहणार आहेत. याशिवाय वांद्रे व दादर विभागात या शासन निर्णयाची होळी करण्याचे आदेश उद्धव ठाकरे यांनी दिले आहेत. दुसरीकडे, ५ जुलैला मुंबईत होणाऱ्या मोर्चासाठी मनेसेसह शिवसेनेतील (उबाठा) प्रमुख नेत्यांवर नियोजनाची जबाबदारी देण्यात आली आहे.
बाबांचे नवाबांशी कौटुंबिक नातं, भुमरेंचा काय संबंध? 150 कोटींच्या जमीन गिफ्ट प्रकरणात ड्रायव्हरची प्रतिक्रिया
राज्य सरकारने पहिलीपासून हिंदी भाषा अनिवार्य केल्याच्या विरोधात मनसेने ५ जुलैला आंदोलनाची हाक दिली आहे. तत्पूर्वी मराठी भाषा केंद्राने रविवारी मुंबईतील पत्रकार भवन येथे या शासन निर्णयाची होळी करण्याचे जाहीर केले आहे. आझाद मैदानाजवळील या आंदोलनात उद्धव ठाकरे, संजय राऊत, मनसेचे नितीन सरदेसाई आदी नेते उपस्थित राहणार आहेत. त्याशिवाय शिवसेनेकडून (उबाठा) रविवारी मुंबईत ठिकठिकाणी या शासन निर्णयाची होळी करण्यात येणार आहे. याअंतर्गत दादर येथील प्रबोधनकार ठाकरे चौक आणि वांद्रे येथील जिल्हाधिकारी कार्यालयासमोर उद्धव यांच्या उपस्थितीत शासन निर्णय जाळण्यात येणार आहे.

दरम्यान, मनसे अध्यक्ष राज ठाकरे यांनी जाहीर केलेल्या ५ जुलैच्या मोर्चाच्या तयारीची मनसेसह शिवसेनेने (उबाठा) जोरदार तयारी सुरू केली आहे. सेना नेते संजय राऊत, अनिल देसाई, वरुण सरदेसाई तर मनसेकडून बाळा नांदगावकर, संदीप देशपांडे, नितीन सरदेसाई यांच्यावर ही जबाबदारी सोपवण्यात आल्याचे दोन्ही पक्षांतील नेत्यांनी सांगितले. मुख्य म्हणजे, या मोर्चाला राष्ट्रवादी काँग्रेस (शप) पक्षाने शुक्रवारी पाठिंबा जाहीर केल्यानंतर आता काँग्रेसनही पाठिंबा जाहीर केला आहे.
लाडकी बहीण योजनेबाबत मोठी अपडेट, आता Income Tax विभाग अपात्रतेची सत्यता तपासणार, जाणून घ्या
‘काही राजकीय पक्ष, संघटना व संस्था आपापल्या पद्धतीने या निर्णयाचा विरोध करत आहेत. हिंदीसक्तीच्या मुद्द्यावर काँग्रेसच्या वतीने मी साहित्यिकांना पत्र लिहून आवाहन केले आहे, तर काही जण मोर्चा काढत आहेत. हा निर्णय रद्द करावा हीच सर्वांची अपेक्षा आहे. हा संस्कृतीचा लढा आहे. त्यासाठी सर्वांनी पुढे येऊन लढले पाहिजे. कोणाचा फोन वा निमंत्रण आले का, हा प्रश्न महत्त्वाचा नाही. आम्ही पहिलीपासून हिंदीसक्तीविरोधात लढत आहोत’, असे याबाबत काँग्रेसचे प्रदेशाध्यक्ष हर्षवर्धन सपकाळ यांनी सांगितले.

दरम्यान, या आंदोलनाला समाजवादी पक्षही पाठिंबा देणार असल्याची माहिती समोर आली आहे. वरिष्ठ नेत्यांशी चर्चा करून लवकरच याबाबत भूमिका स्पष्ट करणार असल्याचे पक्षाचे आमदार रईस शेख यांनी म्हटले आहे.

हिंदीसक्तीविरोधातील मोर्चात सहभागी होण्यासाठी मुंबईकरांना आवाहन करण्यात येत आहे.
ठरलं तर मग! विमानोड्डाणाला मुहूर्त १७ सप्टेंबरचा, पंतप्रधानांच्या वाढदिवशी नवी मुंबईतून भरारी
नांदगावकर-परब यांच्यात चर्चा
हिंदीसक्तीविरोधातील मोर्चाच्या तयारीसाठी दोन्ही पक्षांच्या नेत्यांआ भेठीगाठी वाढल्या आहेत. मनसे नेते संदीप देशपांडे आणि शिवसेनेचे (उबाठा) आमदार वरुण सरदेसाई यांची गुरुवारी भेट झाल्यानंतर शनिवारी बाळा नांदगावकर आणि माजी मंत्री अनिल परब यांची भेट झाली.

बाळासाहेबांचे विचार पाळावे लागतील
‘दोघे ठाकरे बंधू मोर्चाच्या निमित्ताने प्रथमच एकत्र येणार आहेत, याचा सगळ्यांना आनंद आहे. उद्धव व राज एकत्र येऊन मोर्चाचे नेतृत्व करतील. मुंबईवर मराठी माणसांचा झेंडा फडकावायचा असेल तर बाळासाहेबांचे विचार पाळावे लागतील. मराठी शक्तींनी एकत्र यावे’, असे आवाहन संजय राऊत यांनी केले