राज ठाकरे यांच्यासोबत झालेल्या भेट ीनंतर माध्यमांना बोलताना मंत्री दादा भुसे हे म्हणाले की, ‘त्रिभाषा’ संदर्भात शिक्षण विभागातील प्रमुख अधिकारी यांच्यासोबत राज ठाकरेंची भेट घेतली. यावेळी राज ठाकरे यांच्यासोबत काही प्रमुख नेतेही उपस्थित होते. राज्यातील विद्यार्थ्यांच्या हितासाठी त्रिभाषा कशी महत्वाची आहे, हे सांगितले. चर्चा संपन्न झाली आहे. या क्षणाला तर त्यांना या गोष्टी मान्य नाहीत.
हिंदीविरोधात राज ठाकरेंनी फुंकले रणशिंग; 6 जुलैला भव्य मोर्चाचे आयोजन, राजकीय पक्षांना केले मोठे आवाहनराज ठाकरे यांनी काही चांगल्या सूचना देखील केल्या आहेत. त्यांनी दिलेल्या सूचनांची देखील आम्ही नोंद घेतली आहे. आज जी काही चर्चा झाली आहे, ती मुख्यमंत्री आणि उपमुख्यमंत्र्यांना देऊ. दादा भुसे यांनी स्पष्ट केले की, सध्यातरी राज ठाकरे यांना सरकारची भूमिका मान्य नाहीये. हिंदीबाबत राज ठाकरे यांनी त्यांची भूमिका स्पष्ट ठेवली आहे. राज्यातील विद्यार्थ्यांच्या हितासाठी शासनाने हा निर्णय केला.

याबाबतचा तोडगा कधी निघेल विचारले असताना दादा भुसे यांनी म्हटले की, आज जी काही चर्चा झाली ती मुख्यमंत्री आणि उपमुख्यमंत्र्यांच्या कानावर घालू. दादा भुसे आणि राज ठाकरे यांच्या भेटीकडे सर्वांचा नजरा लागल्या होत्या. राज ठाकरे ‘त्रिभाषा’संदर्भात सकारात्मक होतील, अशा चर्चा होती. मात्र, राज ठाकरे आणि दादा भुसे यांच्या भेटीतून तोडगा निघू शकला नसल्याचे आता स्पष्ट झाले आहे. आता मुख्यमंत्री आणि उपमुख्यमंत्री नेमका काय निर्णय घेतात, याकडे सर्वांच्या नजरा आहेत.