उपमुख्यमंत्री अजित पवार यांनी माळेगाव साखर कारखाना आपल्याकडे ठेवण्याचा चंगच बांधला होता. ते या निवडणुकीत स्वत: उमेदवार होते. आपल्या पॅनला जिंकविण्यासाठी त्यांनी काही दिवस स्थानिक पातळीवर संपर्क वाढवला होता. रविवार 22 जुलै रोजी या साखर कारखान्याचे मतदान पार पडले आणि काल मंगळवारी मतमोजणी सुरू झाली होती. काल अजित पवार यांच्या पॅनेलचे अनेक उमेदवार आघाडीवर होते मात्र विरोधी पॅनलचेही काही उमेदवारही पुढे होते. मात्र बुधवारी सकाळी अजित पवार यांच्या पॅनलच्या उमेदवारांनी जोरदार मुसंडी मारली आणि विजयी आघाडी घेतली. त्यानंतर अजित पवार यांचे पॅनल सत्ता मिळवणार हे स्पष्ट झाले होते. सायंकाळी सातच्या सुमारास 21 जागांचा निकाल समोर आला. ज्यात निळकंठेश्वर पॅनेलचे 20 उमेदवार निवडून आले होते. विरोधी पॅनलचे एकमेव विजयी उमेदवार ठरले 85 वर्षांचे सहकारमहर्षी चंद्रराव तावरे.

सहकारमहर्षी म्हणून ओळख असणाऱ्या चंद्रराव तावरे यांनी सांगवी गटातून 380 मतांनी प्रतिस्पर्धी उमेदवाराचा पराभव करत. आपल्या पॅनेलचे प्रतिनिधित्व कारखान्यावर कायम ठेवले.अजित पवारांनी सातत्याने त्यांच्या वयाचा उल्लेख केला. वय 85 झालं तरी थाबणार आहात की नाही.. असा सवाल त्यांनी विचारला होता तसेच 85 वयाचा माणून कारखान्याचे भले करेल का असे म्हटले होते. उपमुख्यंमत्र्याने मुख्यमंत्री होण्याच्या दिशेने प्रवास करावा, माळेगावनिवडणुकीत त्यांना ऐवढी गोडी का? असा सवाल तावरे यांनी विचारला होता. अखेर पॅनल अजित पवारांचे आले पण तावरेंनी निवडणुकीत बाजी मारली.