पोलिसांनी दिलेल्या माहितीनुसार, फारुख आणि सुनील पूर्वी चांगले मित्र होते. मात्र, काही महिन्यांपूर्वी फारुखला चोरीच्या गुन्ह्यात अटक झाली होती. ही कारवाई लकडगंज पोलिसांनी केली होती. ही माहिती पोलिसांपर्यंत पोहोचवणारा त्याचा मित्र सुनीलच होता असा संशय फारुकला होता. ज्यामुळे त्याला तुरुंगात जावे लागले होते. सुमारे महिनाभरापूर्वी फारुख तुरुंगामधून बाहेर आला होता. त्यानंतर दोघांमध्ये एकदा वाद झाला होता.
तरुणाला रस्त्यात अडवलं अन्… घरापासून 20 मीटर अंतरावर भयंकर घडलं, नागपूर हादरलंरविवारी रात्री फारुख भिलगाव परिसरात एका मित्राशी बोलत असताना अचानक सुनील तिथे आला. दोघांमध्ये पुन्हा एकदा वादावादी झाली. वाद विकोपाला गेल्यानंतर सुनीलने त्याच्याकडे असलेल्या धारदार चाकूने फारुखवर वार केले. या हल्ल्यात फारुख गंभीर जखमी झाला. सुनीलने घटनास्थळावरून पलायन केले. परिसरातील नागरिकांनी पोलिसांना माहिती दिली. पोलीस तत्काळ घटनास्थळी पोहोचले आणि जखमी फारुखला तातडीने रुग्णालयात दाखल करण्यात आले. मात्र, डॉक्टरांनी तपासणीनंतर त्याला मृत घोषित केले. यानंतर पोलिसांनी आरोपीविरुद्ध खुनाचा गुन्हा दाखल करून शोधमोहीम सुरू केली आहे.

परिसरातील सीसीटीव्ही फुटेज तपासले जात असून, पोलिसांच्या वेगवेगळ्या पथकांना शोधासाठी रवाना करण्यात आले आहे. मृतक फारुख आणि आरोपी सुनील दोघांचाही गुन्हेगारी पार्श्वभूमी असल्याचे पोलिसांनी सांगितले. एकेकाळी जिवलग मित्र असलेले हे दोघे वैमनस्यामुळे एकमेकांचे शत्रू झाले होते आणि अखेर या भांडणाचा शेवट एका जीवघेण्या घटनेने झाला. या घटनेमुळे भिलगाव परिसरात भीतीचे वातावरण निर्माण झाले असून, प्रकरणाचा सखोल तपास सुरू आहे.