पालकांच्या धास्तीने मुलगी बेपत्ता असल्याची नोंद गंगापूर पोलिसांत केल्यावर तांत्रिक तपासाद्वारे विद्यार्थिनीचा माग काढून नाशिक पोलिस देहरादूनला पोहोचले. त्यानंतर ऑनलाइन स्वरूपात तिचे समुपदेशन केल्यानंतर पुन्हा दिल्लीमार्गे मुंबईतून नाशिकमध्ये विद्यार्थिनीला आणण्यात आले. पोलिसांच्या या कर्तव्याची दखल घेत आयुक्तालयाने विशेष कौतुक केले आहे. अभ्यासाच्या तणावातून विद्यार्थी घरातून निघून जाण्याचे प्रकार यापूर्वीही घडले आहेत. वैद्यकीय अभ्यासक्रमाच्या सामाईक प्रवेश परीक्षेच्या तणावात असलेली विद्यार्थिनी बेपत्ता झाली. पोलिसांपर्यंत माहिती पोहोचल्यावर लॅपटॉपवरील माहितीच्या आधारे तपास सुरू झाला.
अवकाळीचे १२ बळी! नाशिक जिल्ह्यात सर्वाधिक मृत्यू, दहा दिवसांतील उत्तर महाराष्ट्राची स्थिती
तिने दिल्ली आणि देहरादूनपर्यंत विमानप्रवास केल्याचे पोलिसांना समजल्यावर तेथील पोलिसांशी संपर्क साधण्यात आला. त्याचबरोबर विद्यार्थिनीच्या स्नॅपचॅटवरील लोकेशनवरून तिचा अचूक मागोवा घेण्यात आला. नाशिक, गंगापूर पोलिसांसह भरोसा सेलने व्हिडीओ कॉलवर तिचे समुपदेशन करून उत्तराखंड पोलिस आणि विमानतळ प्रशासनाच्या समन्वयाने तिला पुन्हा नाशिकपर्यंत सुखरूप आणत पालकांच्या स्वाधीन केले. गंगापूरचे वरिष्ठ पोलिस निरीक्षक जग्वेंद्रसिंग राजपूत यांच्या पथकाने केलेल्या या कामगिरीचे पोलिस आयुक्त संदीप कर्णिक यांनी विशेष दखल घेत कौतुक केले. विशेष म्हणजे नाशिककरांकडूनही या कार्यपद्धतीचे कौतुक होत आहे.
प्रेमाचं जाळं, खाजगी फोटो काढून ब्लॅकमेलिंग, बहीण-भावाने ७ लाख उकळले; नाशकात १४ वर्षीय मुलीसोबत भयंकर
असा लागला छडा
अहिल्यानगरातील तरुणी अभ्यासाच्या तणावाने घरातून निघून गेली. तिने सोबत मोबाइल व लॅपटॉप नेल्याचे पोलिसांना समजले. गंगापूर पोलिसांना तिच्या मोबाइलचे ‘लास्ट लोकेशन’ दिंडोरीपर्यंत समजले. चौकशीनंतर ओझर येथील विमानतळ प्रशासनाशी संपर्क साधण्यात आला. त्यानुसार विद्यार्थिनी नाशिकहून दिल्ली येथे विमानाने गेल्याचे समजले. तेथून तिने डेहराडूनपर्यंत प्रवास केला. पोलिसांनी तातडीने देहरादून पोलिसांशी संपर्क साधला. या दरम्यान, विद्यार्थिनीने स्नॅपचॅट सुरू केल्याचे कळाल्यावर भरोसा सेल मार्फत व्हिडीओ कॉल करून विद्यार्थिनीचे समुपदेशन करण्यात आले.
लग्नसोहळ्यावरुन परततांना भीषण अपघात; नवरदेवाच्या सख्ख्या भावासह तिघांचा मृत्यू, पाच जखमी
‘आम्ही सज्ज आहोत…’
पालक व शिक्षकांसह नाशिक पोलिस तुमच्या मदतीसाठी सज्ज आहेत. तुम्हाला कोणताही त्रास होत असेल, तर गोपनीयरीत्या समुपदेशनासाठी व मदतीसाठी ‘भरोसा सेल’ कार्यरत आहे. शरणपूर पोलिस चौकीच्या आवारात पोलिसांच्या ‘भरोसा सेल’चे कार्यालय आहे. तेथे तुम्हाला प्रत्यक्ष संपर्क साधता येईल अथवा पोलिसांच्या ९९२३३ २३३११ या व्हॉट्सअॅप हेल्पलाइनवर मदत मागितल्यास भरोसा सेलचे ‘प्रभारी’ तुमच्याशी संपर्क साधतील. तुमची ओळख गोपनीय ठेवण्यात येईल, असे आयुक्तालयाने स्पष्ट केले आहे.

प्रिय विद्यार्थ्यांनो, स्पर्धा परीक्षा म्हणजे तुमची योग्यता, मेहनत आणि समर्पण सिद्ध करण्याचं एक माध्यम आहे. तुमच्या अस्तित्वाचं मूल्यमापन नव्हे. -पोलिस आयुक्तालय