दोन दिवसांपूर्वी परळी तालुक्यात मारहाण झालेल्या शिवराज दिवटे या तरुणाची माजी मंत्री, आमदार धनंजय मुंडे यांनी भेट घेतली. अंबाजोगाई येथील स्वामी रामानंद तीर्थ ग्रामीण रुग्णालयात जाऊन धनंजय मुंडे यांनी शिवराज दिवटेच्या तब्येतीची विचारपूस केली तसेच शिवराज व त्याच्या कुटुंबीयांशी संवाद साधत त्यांना धीर दिला. शिवराज दिवटे याला परळी तालुक्यात एका टोळक्याने केलेल्या मारहाणीनंतर तो सध्या स्वामी रामानंद तीर्थ ग्रामीण रुग्णालयात उपचार घेत असून त्याच्यावर सुरू असलेल्या उपचारांचीही धनंजय मुंडे यांनी रुग्णालयाचे अधिष्ठाता डॉक्टर धपाटे यांच्याकडून माहिती घेतली.