उपमुख्यमंत्री अजित पवार पुणे जिल्ह्यात होते. त्यांनी आज खरीप पूर्व हंगाम बैठक घेतली. या बैठकीनंतर अजित पवार यांनी माध्यमांशी संवाद साधला आहे. यावेळी बोलताना त्यांना पत्रकारांनी राष्ट्रवादीच्या विलिनीकरणावर प्रश्न विचारला. पण अजित पवार यांनी थेट पत्रकारांनाच ऐकवल्याचं पाहायला मिळालं. यांसर्दभात माझ्याशी कुठलीही चर्चा नाही, माझ्याशी चर्चा झाली की पहिलं मी तुला सांगेन. असं यावेळी अजित पवार एका पत्रकाराला बोलताना पाहायला मिळाले. यावेळी बोलताना अजित पवार यांनी बीडमधील घटनेवर देखील भाष्य केलं आहे. ते म्हणाले, या प्रकरणात सहा ते सात जणांना अटक केली आहे, याची सगळी माहिती घेतलीये. वाईट प्रवृत्ती आहे ती ठेचूनच काढली पाहिजे असा आमचा प्रयत्न आहे, असंही म्हणाले.