Accident News : सातारा शहराच्या दिशेने कास बाजूकडून वाळूने भरलेला डंपर भरधाव वेगाने येत होता. पॉवर हाऊस झोपडपट्टी येथील पाच मुली यवतेश्वर घाटात फिरायला गेल्या होत्या. फिरत असताना त्या रस्ता ओलांडत होत्या. अवघड वळणावर समोरून आलेला डंपर त्यांना दिसला नाही.
HSRP बाबत वेगळीच समस्या; गाडी गावाला, नंबरप्लेट शहरात… मुंबईत नोंदणी केलेल्या वाहनधारकांचा मोठा प्रश्नकसा झाला अपघात?
याबाबत तालुका पोलीसांनी सांगितले की, सातारा शहराच्या दिशेने कास बाजूकडून वाळूने भरलेला डंपर भरधाव वेगाने येत होता. पॉवर हाऊस झोपडपट्टी येथील पाच मुली यवतेश्वर घाटात फिरायला गेल्या होत्या. फिरत असताना त्या रस्ता ओलांडत होत्या. अवघड वळणावर समोरून आलेला डंपर त्यांना दिसला नाही. घाटातल्या वळणावर अचानक मुली रस्ता ओलांडत असल्याचे डंपर चालकाच्या निदर्शनास येताच त्याने त्या मुलींना वाचवण्यासाठी ब्रेक दाबला. ब्रेक दाबल्याने डंपर जागीच पलटी झाल्याने मोठा आवाज झाला. या अपघातात तीन मुली जखमी झाल्या. तसेच डंपर चालकही किरकोळ जखमी झाला. यावेळी डंपरमधील वाळू रस्त्यावर पडली होती. स्थानिकांनी तत्काळ मदतकार्य करून त्याची माहिती पोलिसांना दिली.
Pune News : अवजड वाहतूक अपघातास कारण; वाहतूक नियमांचे उल्लंघन केल्यास डंपर, खासगी बसचालकांवर कारवाईचा बडगा
सातारा तालुका पोलीस ठाण्याचे अपघात विभागाचे जवान विशाल मोरे हे घटनास्थळी पोहचले. तसेच शाहुपूरी पोलीस ठाण्याचे अपघात विभागाचे जवानही घटनास्थळी पोहचले. जखमी मुलींना तातडीने जिल्हा शासकीय रुग्णालय दाखल केले. जखमीमधील एका मुलीला डिस्चार्ज दिला असून दोघींवर जिल्हा रुग्णालयात उपचार सुरू आहेत. या घटनेतील डंपर चालक पळून गेला असून त्याचा शोध पोलीस घेत आहेत. या अपघाताची नोंद रात्री उशिरा शाहुपूरी पोलीस ठाण्यात करण्यात आली आहे. घटनेचा अधिक तपास शाहूपुरी पोलीस करीत आहेत.