मंगळवारी दहावीचा निकाल लागल्यावर दहावीच्या विद्यार्थ्यांच्या घरात आनंदोत्सव साजरा होत असताना मनमाडच्या गायकवाड चौकातील खरातांचे घर प्रतिकूल परिस्थितीत कन्या दहावी उत्तीर्ण झाल्याचे कळूनही दुःखात बुडाले होते. दहावीची परीक्षा दिल्यानंतर अवघ्या काही दिवसांत किरकोळ कारणाने थेट आत्महत्येचं पाऊल उचलून देवाघरी गेलेली त्यांची लाडकी कन्या गौरी निकालाच्या दिवशी घरातच नव्हे, तर या जगातच नव्हती. ही भावना कुटुंबीयांचे काळीज कुरतडणारी होती.
SSC Result 2025: जिगरबाज आर्यची ‘असाध्य’ यशाला गवसणी; दुर्मीळ आजाराशी सामना करीत मिळविले ९६ टक्के
मोलमजुरी करणारे खरात दाम्पत्य मुलीला शिकवून घरातील गरिबीचे दिस जातील, याची आस लावून बसले होते. पण, मुलगी अचानक गेली व आशेवर पाणी फेरले गेले. इंडियन हायस्कूलमधील गौरी दहावी उत्तीर्ण झाली ही बातमी सामाजिक कार्यकर्ते अॅड. सुधाकर मोरे यांनी तिच्या पालकांना दिली आणि त्यांना अक्षरशः रडू कोसळलं. जिथे रोज पोटासाठी जगण्यामरण्याची लढाई त्या घरातील मुलीने दहावीची परीक्षा ४४ टक्क्यांनी उत्तीर्ण होणे ही बाब लाखमोलाची होती. ‘तिला नर्स व्हायचं होतं. मैत्रिणीची आई जशी समाजसेवा करते तसं तिला करायचं होतं,’ असे रडत रडत उषा खरात सांगत होत्या. या माऊलीचे सांत्वन करणे सर्वांना जड गेले.
SSC Result 2025: इंग्रजी सुधारले, गणित बिघडले! मराठीसह विज्ञान विषयातील उत्तीर्ण विद्यार्थ्यांची टक्केवारी घटली
नाशिक राज्यात पाचवे
राज्य माध्यमिक व उच्च माध्यमिक मंडळामार्फत मंगळवारी (दि. १३ मे) दुपारी एक वाजता ऑनलाइन पद्धतीने दहावीचा निकाल जाहीर करण्यात आला. संपूर्ण राज्याचा निकाल ९४.१० टक्के लागला. नाशिक विभागाचा निकाल ९३.०४ टक्के लागला असून, राज्यात नाशिक विभाग पाचव्या क्रमांकावर राहिला. मात्र, गतवर्षीच्या तुलनेत यंदा निकालात २.२४ टक्के घट झाल्याचे दिसून आले.