भारत-पाकिस्तानमध्ये तणावाची स्थिती असताना दोन दिवसांपूर्वी नांदगावपेठ येथील एका कारखान्यात काम करणाऱ्या युवकास पाकिस्तानातून धमकीचा फोन आला होता. पाकिस्तानी लष्करात अधिकारी असल्याची बतावणी करीत त्याने दिल्लीत बॉम्बस्फोट घडवून आणण्याची धमकी दिली होती. हे प्रकरण ताजे असताना माजी खासदार नवनीत राणा यांनादेखील पाकिस्तानातून धमकीचा फोन आला आहे. नवनीत राणा यांना वेगवेगळ्या नंबरवरून फोन आले आहेत. त्यांना धमकावताना त्यांच्याबद्दल संपूर्ण माहिती असल्याचेही सांगण्यात आले.
ईडीची बीडमध्ये मोठी कारवाई; ‘ज्ञानराधा’ घोटाळाप्रकरणी तब्बल १८८ कोटींच्या मालमत्तेवर टाच
‘हिंदू शेरणी तुला काही दिवसात संपवू’ असा इशारा फोनद्वारे देण्यात आला. यानंतर तातडीने पोलिसांना माहिती देण्यात आली. पोलिसांनी नवनीत राणा यांना आलेल्या कॉलचे डिटेल्स गोळा करण्यास सुरुवात केली आहे. याशिवाय त्यांच्या सुरक्षेकडे विशेष लक्ष दिले जात आहे. नवनीत राणा यांना केंद्र सरकारची वाय दर्जाची सुरक्षा आहे.
नागपुरात रेव्ह पार्टी उधळली; मुंबईतील चार ‘झिंगाट’ तरुणी आढळल्या, बिल्डरसह चौघांना अटक
माजी खासदार नवनीत राणा या भाजप नेत्या आहेत. त्यांनी आपल्या वक्तव्यांमधून हिंदुत्वाचा मुद्दा गाजविला. त्यांच्या या प्रतिमेतूनच त्यांना धमकी देण्यात आल्याचा प्राथमिक अंदाज वर्तविला जात आहे. हा फोन पाकिस्तानातून आलेला असल्याने सुरक्षा व्यवस्था दक्ष आहे . अमरावती जिल्ह्यात अवघ्या काही दिवसांत धमकीचे दोन फोन आले आहेत . यावरून अमरावती जिल्हा दहशतवाद्यांच्या टार्गेटवर असल्याची चर्चाही या घटनांच्या निमित्ताने होऊ लागली आहे. सुरक्षा व्यवस्था मात्र सज्ज आहे .