नंदुरबार तालुक्यातील वावद येथे राहणाऱ्या ममता गणेश हरदास (25) या महिलेने 9 मे रोजी सकाळी साडेनऊ वाजे दरम्यान गावात शिवारातील एका शेतात विद्या गणेश हरदास (4) व साई गणेश हरदास (2) या चिमुकल्यांसह विहिरीत उडी घेतली होती. गावातील महिलेने पत्यांसह पाण्यात उडी मारण्याचे लक्षात येतात ग्रामस्थांनी येथे धाव घेतली. मात्र, विहिरीत पाणी खोल असल्याने अवघ्या काही क्षणात आईसह तिच्या चिमुकल्यांचा बुडून मृत्यू झाला. दरम्यान ग्रामस्थांनी तिघांना बाहेर काढून नंदुरबार जिल्हा रुग्णालयात दाखल केले होते. याठिकाणी ममता, विद्या आणि साई या तिघांना मृत घोषित करण्यात आले. याप्रकरणी नंदुरबार तालुका पोलीस ठाण्यात मयताच्या पती गणेश प्रकाश हरदास (चित्रकथे) रा. वावद ता. नंदुरबार यांच्या खबरीवरून अकस्मात मृत्यूची नोंद करण्यात आली आहे.
Pune News: मेहुणीसोबतच्या अनैतिक संबंधांना विरोध, रात्री रस्त्यात गाठलं अन्… इस्टेट एजंटच्या हत्येने पुणे हादरलं

पती व सासुविरुद्ध पोलीस ठाण्यात गुन्हा दाखल

नंदुरबार तालुक्यातील वावद येथे ममता विद्या गणेश हरदास (4) व साई गणेश हरदास (2) या दोघा बालकांसह आपल्या आयुष्याची अखेर केली होती. या प्रकरणी मयताची आई सुनीताबाई सुदाम चित्रकथी यांच्या फिर्यादीवरून मयताचा पती गणेश प्रकाश हरदास व सासू मुक्ताबाई प्रकाश हरदास यांच्याविरुद्ध गुन्हा दाखल केला यात म्हटले आहे की, पती व सासू मोटरसायकल घेण्यासाठी 30 हजार रुपये माहेरवरून घेऊन यावे यासाठी सुनिताबाई चित्रकथे तिला त्रास देत तसेच मोठ्या बहिणीला फोन का लावते असे बोलून मारहाण केली. तसेच शारीरिक व मानसिक त्रास देत या जाचाला कंटाळून सुनीताबाईने पती व सासूच्या जाचाला कंटाळून जीव दिल्याची नोंद करण्यात आली.

याप्रकरणी सासू व पतविरुद्ध नंदुरबार तालुका पोलीस ठाण्यात गुन्हा दाखल करण्यात आला असून या प्रकरणी पुढील तपास पोलीस निरीक्षक सुनील बाभड करीत आहेत.