Chhatrapati Sambhaji Nagar Crime News- छत्रपती संभाजीनगरात एक अत्यंत धक्कादायक घटना घडल्याचे समोर येत आहे. निवृत्त झालेल्या 60 वर्षीय लीपिकाचा गावात भयावह मृत्यू झाला आहे. .त्यांच्या स्वतःच्या शेतात शिर नसलेला मृतदेह आढळून आला आहे.
नामदेव एकनाथराव ब्रह्मराक्षस वय 60 रा.चिंचोळा ता.पैठण ह. मु.छत्रपती संभाजीनगर असे मृतदेह आढळलेल्या व्यक्तीचे नाव आहे.या घटनेप्रकरणी पोलिसांनी दिलेल्या माहितीनुसार, ब्रह्मराक्षस हे चिंचोळा या गावचे मुळ रहिवासी आहे. ते बीड जिल्ह्यातील गेवराई येथील न्यायालयामध्ये अनेक वर्ष कार्यरत होते. दोन वर्षांपूर्वीच ते सेवानिवृत्त झाले होते. सेवानिवृत्त झाल्यानंतर ते पैठण तालुक्यातील चिंचोळा या गावी राहण्यासाठी आले होते. पैठण तालुक्यातील चिंचोळा शिवारात गट क्रमांक 121 मध्ये ब्रह्मराक्षस यांची शेती आहे.
ब्रह्मराक्षस यांच्या चिंचोळा शिवारात असलेल्या शेतातील विहिरीमध्ये एक अनोळखी शीर नसलेल्या मृतदेह आढळून आला. घटनेची माहिती ग्रामस्थांनी तात्काळ पोलिसांना दिली. त्यानंतर देवळी येथील अतिरिक्त पोलीस अधीक्षक अन्नपूर्णा सिंह, उपविभागीय पोलीस अधिकारी डॉ. सिद्धेश्वर भोरे, पोलीस निरीक्षक संजय देशमुख, शरदचंद्र रोडगे, जमादार किशोर शिंदे हे तात्काळ घटनास्थळी दाखल झाले. यावेळी पोलिसांकडून ग्रामस्थांच्या मदतीने मृतदेह विहिरीच्या बाहेर काढण्यात आला.मृतदेह बाहेर काढल्यानंतर तो ब्रह्मराक्षस यांचाच असल्याचा लक्षात आले.
ब्रम्हराक्षस यांच्या धक्कादायक मृत्यूची माहिती परिसरात वाऱ्यासारखी पसरली. ब्रह्मराक्षस यांचा मृतदेह स्वतःच्याच विहिरीमध्ये कसा आढळला? हा खून नेमकं कुणी केला? हे अद्याप समजू शकले नाही. याप्रकरणी पाचोड पोलीस ठाण्यामध्ये आकस्मित मृत्यूची नोंद करण्यासाठी असून पुढील तपास पोलीस करीत आहेत. ब्रम्हराक्षस यांच्या अशा धक्कादायक मृत्यूमुळे चिंचोळा शिवार येथील गावकऱ्यांनाही धक्का बसला आहे. परिसरातही भितीचे वातावरण आहे.